Èdonɔ jeshi Mawu nɔnɔmɛ makpɔmakpɔwoa?

Nɔ èglokɔ shiŋmɛ vovovo ciwo yí le flawa ɖe shi, jeŋkwi ci yí ɖɔ koɖo wleciviwo alo eshi sugbɔ ci yí tokɔ so eto ɖe mɛ kpɔ ɖe, èkpɔnɔ alɔnudɔwawa Gbɛɖotɔ lɔ tɔwoa? Enuwawa ciwo yí trɔdo mì danasɛ Yehowa nɔnɔmɛ makpɔmakpɔwo petii. (Rɔm 1:20) Nɔ mìcinɔ te yí bunɔ tamɛ kpɔ so enu ciwo yí mìkpɔnɔ nuɔ, mìatɛnŋ ado jeshi Mawu ŋsɛn, lɔnlɔn, nunya, jɔjɔɛnyinyi koɖo xomɛvuwawa yi tɔ.​—Eha 104:24.

Yehowa nuwawa ciwo nu yí èlenɔ ŋkuvi do ŋkeŋke domɛtɔ ɖewo ɖe? Nɔ jugan ɖe mɛ èle can ɔ, àkpɔnɔ xevi alo aciwo. Ŋkuvilele do Yehowa nuwawawo nu nywiɖe atɛnŋ akpedo mì nu yí mìdalonɔ nu kpɔ sugbɔ o. Agbena mìwo susuwo anɔnɔ enu vevitɔwo ji, yí xɔse ci mìɖo do Yehowa nu mɔ, yɛalenɔ bu nɔ mì tɛgbɛɛ asɛnkɔŋ doji. (Mt 6:​25-32) Nɔ eviwo le eo shiɔ, kpedo wo nu nɔ woadonɔ jeshi Yehowa nɔnɔmɛ ciwo yí ɖekɛ desɔ koɖo o. Zenɛni ci yí enuwawa ciwo yí trɔdo mì jekɔŋ nɔ mì dojiɔ, ahanke mìagbeteteɛ gogo Gbɛɖotɔ lɔ sɔwu nɛ.​—Eha 8:​3, 4.

KPƆ VIDEO CI YÍ NYI ENUWAWA JIŊWO DANASƐ ŊCIKƆKƆƐ MAWU TƆ​—KLƐNKLƐN KOÐO SHIŊMƐWO, LE YI GODUƆ, NA ÐOŊCI NƆ ENYƆBIƆSE CIWO YÍ GBƆGBƆ:

• Lé shiŋmɛnanuwo na mìkpɔnɔ shiŋmɛwo doɔ?

• Nyi yí na mìkpɔnɔ ŋɖewo do shiŋmɛdazo vovovowo ji sɔgbe koɖo akpaxwe ci mìnɔ yí kpɔ woɔ?

• Nyi yí taɖo mìkpɔnɔ shiŋmɛ vovovowo le jeŋkwimɛɔ?

• Enuwawawo shiŋmɛ wadɔdoamɛji ciwo yí èkpɔnɔ le ao xwe xaɔ?

• Nyi yí taɖo mìɖo ajinɔ gamɛ alenɔ ŋkuvi do jɔjɔmɛ nuwawawo nu le xexeɛ mɛɔ?