“Xexe lɔ pleŋ dodoɔ egbe kuɖeka”

11:1-4, 6-9

Le Babɛliɔ, Yehowa caka gbe nɔ agbetɔ tonumasetɔwo yí sɔ na wogban hlɛn. Egbɛɔ, Yehowa bɔbɔ egbe vovovo dotɔ, koɖo mɛ ciwo yí so ju vovovowo mɛ doju yí sɔ “egbe mɛmi ɖeka” na wo nɔ “wo pleŋ ayɔ Yehowa ŋkɔ yí asumɔɛ alɔlealɔmɛ.” (Zef 3:9, NWT; Enyɔ 7:9) “Egbe mɛmi” cɛ yí nyi nyɔnɔnwi ci yí le Ŋwlɛnŋwlɛn lɔwo mɛ yí kudo Yehowa koɖo yi tamɛɖoɖowo nu.

Egbe yoyu ɖe kplakpla biɔnɔ nu sugbɔ sɔwu enyɔ yoyu ɖewo lélé do tamɛ kpoŋ. Ebiɔ mɔ woakpla lé woabu tamɛ kpɔ do alɔkpa yoyu bu ji do. Ahanke ci mìkplakɔ nyɔnɔnwi lɔ gbe mɛmi lɔɔ, mìwo susuwo trɔtrɔ nɛ. (Rɔm 12:2) Trɔtrɔ cɛ nyi nu ci yí kpɔtɔ yikɔ ji yí kpekɔdo Mawu mɛwo nu wowakɔ nu alɔlealɔmɛ.​—1Kor 1:10.