Miwo nayɔɔ?

Xwe ɖeka duuɔ, mìdonɔ gbla veviɖe yí yɔnɔ amɛwo le mìwo nyigbanmama mɛ nɔ Eŋwiɖoɖo lɔ. Amɛ sugbɔtɔ le wo mɛ nyinɔ mɛ ciwo mìdejeshi ɖɛ sa o. Mìɖo ayɔnɔ mɛ ciwo mìjeshi ɖɛ hɛnnɛ. Nɔ amɛwo xɔ amɛyɔwemavi le axwemu ɖe gbɔɔ, wolɔn faa yí yinɔ. (yb08-F 12 mm. 1; 14 mm. 1) Miwo àtɛnŋ ayɔ druɔ?

• Ao xomumɛtɔwo

• Ao kpena dɔmɛtɔwo alo ao kpena sukluviwo

• Ao xwexatɔwo

• Mɛ ciwo èwakɔ trɔtrɔyi nɔ wo, mɛ ciwo èkpla nu koɖo kpɔ sɔ bɔdo mɛ ciwo yí èkplakpla nu koɖo yɛ nu

Gbesɔ kpe niɔ, hamɛmɛshinshinwo ayɔ mɛ ciwo yí degbeɖekɔ kunu o. Vɔ nɔ mɛ ci èyɔ dele míwo nyigbanmama mɛ ɖe, lé àwɛ doɔ? Nɔ èhun jw.org ɔ, àkpɔ MIWO MÌNYIƆ? le eji le kpashi lɔ ji. Ʒin ji keŋ asɔ “Eŋwiɖoɖo.” Àkpɔ gamɛ koɖo fini woawa Eŋwiɖoɖo lɔ le le fini ele. Nɔ èdradrado nɔ Eŋwiɖoɖo xwe cɛ mɛ tɔɔ, bu tamɛ kpɔ so mɛ ciwo àtɛnŋ ayɔ nu yí ayɔ wo.