Nyi àtɛnŋ akpla le Kristotɔ ciwo yí sɛnkɔ Yehowa so xwe nɛniɖewo ke gbɔɔ?

Nɔviŋsu koɖo nɔvinyɔnu ciwo yí sɛnkɔ Yehowa so xwe nɛniɖewo ke le mìwo hamɛwo mɛ. Mìatɛnŋ akpla nu so lé wodo ji do Yehowa nu mɛ. Mìatɛnŋ anu nɔ wo mɔ, wo le lɔ xo so Yehowa habɔbɔ lɔ koɖo lé Yehowa kpedo wo nu wodo ji le cukaɖawo mɛ nu nɔ mì. Le Sɛnsɛn xomumɛtɔ mìwo tɔ ci mìwanɔ fiɛfimɛ mɛɔ, mìhɛn mìayɔ ɖeka le mìwo nɔvi shinshin vevi cɛwo mɛ keŋ nɔ axo nuxu so enu ciwo mɛ eto le agbemɛ nu.

Nɔ Kristotɔ shinshin ènyiɔ, hun xomɛ axo nuxu so ao xɔse nu nɔ Kristotɔ jajɛwo. Ʒakɔbu koɖo Ʒozɛfu xo nuxu so enu ciwo mɛ woto nu nɔ wowo viviwo. (Gɔnm 48:21, 22; 50:24, 25) Le yiyimɛɔ, Yehowa vanu nɔ xomutatɔwo mɔ, wo le xo nuxu so edɔ jiŋ ye tɔwo nu nɔ wowo viwo. (2Ese 4:9, 10; Eha 78:4-7) Le egbɛmɛɔ, vida koɖo vinɔwo koɖo mɛbuwo le hamɛ lɔ mɛ atɛnŋ anu edɔ jiŋ ciwo wokpɔ Yehowa wa to yi habɔbɔ lɔ ji nɔ jajɛwo.

MÍKPƆ VIDEO CI YÍ NYI MÌKPƆTƆ LE JU HWECINU WODO SE DO MÌWO DƆ LƆ NU, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• Lé Autriche lɔjedɔwaxu lɔ kpedo mìwo nɔviwo nu le finiwo wodo se do mìwo dɔ lɔ nu leɔ?

• Lé nɔvi ciwo yí le fini wodo se do dɔ lɔ nu le wɛ yí wowo xɔse kpɔtɔ sɛnŋ ɔ?

• Nyi yí taɖo eŋɛnywidratɔ sugbɔ so le Yehowa habɔbɔ lɔ mɛ le Roumanie ɔ, yí lé wowɛ yí trɔgbɔɔ?

• Lé enu cɛwo na ao xɔse sɛnŋ doɔ?