Kunuɖeɖedɔ vevi ci woawa le novembre wleci mɛ yí adra Mawu Fyɔɖuxu lɔ

Yesu dra “eŋɛnywi ci yí xo nuxu so Efyɔɖuxu Mawutɔ” nu. (Lk 4:43) Ékpla amɛwo hɛnnɛ mɔ wo le do gbe ɖaɖa yí abiɔ Fyɔɖuxu lɔ. (Mt 6:9, 10) Le novembre wleci mɛɔ, mìawa dɔ sugbɔ le kunuɖeɖedɔɔ mɛ yí adra Mawu Fyɔɖuxu lɔ. (Mt 24:14) Trɔ ashi le ao totowo nu keŋ asun ji awa ɖe le kunuɖeɖedɔ vevi cɛ mɛ. Mɛ ciwo pleŋ yí awa kpedonu mɔɖeɖedɔ le wleciɛ mɛ hɛn amɔ gaxoxo 30 alo 50 yewoana.

Hlɛn kpukpui ɖeka ci yí xo nuxu so Mawu Fyɔɖuxu lɔ nu nɔ amɛ sugbɔ le míwo nyigbanmama mɛ. Hwecinu èbubuɔ tamɛ kpɔ so kpukpui ci àvayi hlɛnnɔ amɛwo le kunuɖegbeɔ, ɖonɔ ŋwi sɛnsɛn ci mɛ wole. Nɔ nyɔɔ jɔ ji nɔ mɛɖeɔ, sɔ Jutakpɔxɔ ci mìmanɔ nɔ amɛwo ci yí nyi Jutakpɔxɔ No. 2 2020 ni. Yi goduɔ, tekpɔ atrɔ ayi amɛ lɔ gbɔ blaŋ yí atɔ Bibla kplakpla koɖi le wema ɖeka ci yí le mìwo Nukplakpla dɔwanu dakavi lɔ mɛ. Hwɛɖeka yí kpɔtɔ yí Mawu Fyɔɖuxu lɔ avacuku acɛkpakpa ciwo pleŋ trɔ kpe yi tɔ. (Dan 2:44; 1Kor 15:24, 25) Eyi taɖo mìawa ci ji mìasun le kunuɖeɖedɔ vevi cɛ hwenu nɔ anyi mìse tonu nɔ Yehowa koɖo yi Fyɔɖuxu lɔ!