Asu koɖo ashiwo, míŋgbelɔn nɔ ŋɖe ama mí mɛ kpɔ gbeɖe o

Enyɔ gangan ŋtɔ teŋ yí egbe ciwo asu koɖo ashi ɖonɔ wowonɔnɔwo nyi nɔ Yehowa. Énu nɔ asu koɖo ashi mɔ woɖo aku kpla wowonɔnɔwo kpiŋkpiŋ. (Matie 19:5, 6) Le Mawu mɛwo mɛɔ, asu koɖo ashi sugbɔ vivinɔ yí ji jɔnɔ wo. Ele ahan gan, asu koɖo ashi ɖe denyɔnɔ vɛ o. Nɔ mìdanu nyɔ able nɔnɔ, enyɔwo ava. Nɔ nyɔ ɖe le asu koɖo ashi ciwo yí dejeshi Yehowa ɖɛ mɛ yí sɛnŋ ɔ, wokpɛni mɔ so yewoaso gbeɖe nɔnɔ ɖɛ abi gbe yewoagbe nɔnɔ gbɔxwe avo. Nɔ evanyi ahan nɔ mìwo can ɔ, mìdeɖo akpɛ shigbe lé wowo kpɛni nɛ o. Lé asu koɖo ashi ciwo yí nyi Kristotɔwo awɛ yí ŋɖekɛ davama wo mɛ kpɔ gbeɖeɔ?

Míkpɔ enuvevi amatɔn ciwo míawa.

1. Míŋgbelɔn avayi ɖoɖoɔ jijiŋkuvi nɔ mɛbuwo, asɔ gbɔdɔndɔn masɔkoɖose nyɔwo ɖɔkɔ ɖɔkui alo akpɔnɔ wo o. Enu cɛwo dɔ asu koɖo ashi degbelɔnnɔ nɔnɔ ahan o.—Matie 5:28; 2 Piɛ 2:14.

2. Mítekpɔ keke míwo koɖo Mawu anyi xlɔ veviwo, eyi lé míwo koɖo ve awɛ yí míwo nu ajɔnɔ ji ni yí axanɔ mí.—Ehajiji Wema 97:10.

3. Míkpɔtɔ atrɔkɔ míwoɖekiwo anyikɔ amɛ yoyu ci nyɔ Bibla nu, yí awakɔ xomɛvunu kleŋkleŋ ciwo yí adɔ nyɔnuɖeɖe koɖo asuxwenɔnɔ afa hwɛɖeka nɔ mí.—Kolosetɔwo 3:8-10, 12-14.

4. Míkpɔtɔ akannɔ seŋ nywiɖe, yí abunɔ nɔnɔ nɔ míle seŋ kankɔ.—Kolosetɔwo 4:6.

5. Mísɔ ŋci fɛn ŋsu koɖo nyɔnu ɖu do nɔnɔ jo koɖo xomɛ koɖo lɔnlɔn.—1 Korɛntitɔwo 7:3, 4; 10:24.

Nɔ Kristotɔwo sɔ nɔnɔɖeɖe sɔ yɔ nuɔ, anyi wobubuɔ Yehowa, mɛ ci yí ɖo nyɔnuɖeɖe koɖo asuɖeɖe ɖɛ.

MÍKPƆ VIDEO CI YÍ NYI MÌÐO “ASƆ EJIDODO ASHI JU LƆ”—WA DO EJUSHISHI SE LƆWO JI,, KEŊ AÐO ENYƆBIƆSE CIWO MÌAKPƆ YƐ ŊCI:

• 

  Nɔ nuwo tɔ yiyi nywiɖe nɔ mɛ ciwo yí ɖe nɔnɔ kaka can ɖe, nyiwo yí avajɔ druɔ?

• 

  Lé Bibla ado alɔ asu koɖo ashi ciwo ewawa nɔ shigbe mɔ wodegbelɔn nɔnɔ teŋ hannɛɔ?

• 

  Nyiwo yí Yehowa mɔ asu koɖo ashiwo awanɔ nɔ wowonɔnɔwoɔ?

• Nyiwo yí asu koɖo ashi ɖo gbe awanɔ nɔ nuwo ayikɔ nɔ wo nywiɖeɔ?