Emɔ amɛtɔn ciwo ji mìato yí akannɔdo Yehowa ji

Ci Davidi kando Yehowa ji yí taɖo eɖu Goliati ji. (1Sam 17:45) Yehowa jinɔ mɔ yeazan ye ŋsɛn asɔ kpedo ye sɛntɔwo pleŋ nu. (2Kro 16:9) Lé mìawɛ yí mìdakannɔdo nutɔxukpɔkpɔ koɖo enujikpekpe mìwotɔwo ji vɔ yí akannɔdo Yehowa kpekpedonu jiɔ? Emɔ amɛtɔn ɖekawo ke:

• Donɔ gbe ɖaɖa blaŋblaŋ. De hwenu èwa fɛnwo ɖekɛ yí àdonɔ gbe ɖaɖa nɔ Mawu asɔ ke eo o, vɔ donɔ gbe ɖaɖa hɛnnɛ yí abiɔnɔ ŋsɛn nɔ èdo go tetekpɔwo nɔ ŋgbewa fɛn o. (Mt 6:12, 13) De hwenu èsɔ gbeta ɖegbɔ ɖekɛ yí àdonɔ gbe ɖaɖa nɔ Yehowa acu shi do ji o, vɔ donɔ gbe ɖaɖa hɛnnɛ nɔ Yehowa adasɛ mɔ nɔ eo yí agbena yi nunya eo gbɔxwe asɔ gbeta ɖe.—Ʒaki 1:5

• Bibla hlɛnhlɛn koɖo Bibla kplakpla le nyi numamɛ nɔ eo. Hlɛnnɔ Bibla ŋkeke ɖeka duu. (Eha 1:2) Zannɔ gamɛ asɔ bunɔ tamɛ kpɔ so Bibla mɛ kpɔwɛwo nu yí awanɔ do enu ciwo èkpla le wo mɛ ji. (Ʒaki 1:23-25) Dranɔ do nɔ èjikɔ ayi ɖe kunu, ŋgbekannɔdo enu ciwo èwa vayi le kunuɖeɖedɔ lɔ mɛ ji o. Dranɔ ŋciwo woayi kpla le bɔbɔ lɔwo mɛ do doŋkɔ nɔ natɛnŋ aɖunɔ le nɔ wo nywiɖe

• Wanɔ dɔ alɔlealɔmɛ koɖo Yehowa habɔbɔ lɔ. Nyanɔ emɔdasɛnamɛ kpɛtɛkpɛtɛtɔ ci habɔbɔ lɔ na yí awanɔ do ji zeɖeka. (Amh 9:17) Nɔ hamɛmɛshinshinwo nakɔ mɔdasɛnamɛ koɖo nukplamuwoɔ, ɖonɔ to wo.—Ebre 13:17

MÍKPƆ VIDEO CI YI NYI SUSU ÐE DELI YÍ ADƆ MÌAVƆN NƆ YUMƐCICI O, KEŊ AÐO NYƆBIƆSE CIWO MÌAKPƆ YƐ ŊCI:

• Nyiwo nɔviŋsu koɖo nɔvinyɔnu lɔwo vɔn nɔɔ?

• Nyiwo yí kpedo wo nu woɖu ŋciwo wovɔn nɔ lɔwo jiɔ?