Ètekpɔ yí donɔ jeshi lé Yehowa ɖonɔ ao gbedoɖawo ŋci doa?

Gbedodoɖa ciwo nu Yehowa ɖo kpɔwɛwo sugbɔ le Bibla mɛ. Ci Yehowa sɛntɔ ɖekaɖeka kpɔ lé Yehowa ɖonɔ yi gbedodoɖa ŋci yí gbekpenɔ do nuɔ, kankandoji li mɔ edonɔ ŋsɛn wowo xɔse. Eyi taɖo, anyɔ mɔ mìanunɔ ŋci mìjijiɛ koŋ le mìwo gbedodoɖawo mɛ yí atekpɔ akpɔ lé Yehowa ɖonɔ wo ŋci do. Mìanya mɔ ɖoŋci yi tɔ atɛnŋ ato akpo loo abi avana mì awugan ci mìjijiɛ. (2Kor 12:7-9; Efe 3:20) Nyi Yehowa atɛnŋ ana mì yí anyi ɖoŋci nɔ mìwo gbedoɖawoɔ?

• Ŋcilanmɛ ŋsɛn, fafa le amɛɖeki mɛ alo xɔse ci mìasɔ kpɔ cukaɖa lɔ gbɔ.—Fili 4:13

• Nunya ci mìasɔ sɔ gbeta nywiwo.—Ʒaki 1:5

• Edro koɖo ŋsɛn ci mìasɔ kpɔ cukaɖa lɔ gbɔ. —Fili 2:13

• Fafa nɔ mìxa le mìwoɖeki mɛ.—Fili 4:6, 7

• Mɛbuwo ciwo yí akpedo mì nu le ŋcilanmɛ yí afa kɔn nɔ mì yí agbedo ŋsɛn mì.—1 Ʒan 3:17, 18

• Ána kpekpedonu mɛbu ciwo mìdokɔ gbe ɖaɖa nɔ.—Edɔ 12:5, 11

MÍKPƆ VIDEO CI YÍ NYI YEHOWA YÍ NYI ‘KWIFANWO SETƆ’ KEŊ AÐO NYƆBIƆSE CIWO MÌAKPƆ YƐ ŊCI:

• Lé ŋci mɛ nɔviŋsu Shimizu to atɛnŋ ado ŋsɛn mì do nɔ mìle dɔ̀ yí mìdatɛnŋ agbewa sugbɔɔ?

• Lé mìatɛnŋ asran nɔviŋsu Shimizu kpɔwɛ lɔ doɔ?