27 MAI–2 JUIN
EHAJIJI WEMA 42-44
Ehajiji 86 koɖo Gbedodoɖa | Enuɖetinɔnyɔwo (Minici 1)
1. Wa Ðaŋ Awanɔdo Emɔdasɛnamɛ Yehowa Tɔwo ji
(Minici 10)
Nɔ emɔ lɔ vlɛ yí hun nɔ eoɔ, nɔ ju koɖo mɛbuwo yí asɛn Yehowa (Eha 42:4, 5; w06 6/1 9 mm. 4)
Donɔ gbe ɖaɖa gbɔxwe akpla Mawu Nyɔ lɔ (Eha 42:8; w12 1/15 15 mm. 2)
Zannɔ Bibla le ŋɖekpokpui ci àwanɔ mɛ (Eha 43:3)
Enukplamu ciwo mìxɔnɔ so Yehowa gbɔ donɔ ŋsɛn mì mìdonɔ ji le cukaɖawo mɛ yí gbewanɔ do gbe ci mìɖo nɔ Yehowa mɔ, mìasin keke asɔyi mavɔ ji.—1 Piɛ 5:10; w16.09 5 mm. 11-12.
2. Bibla mɛ Nuveviwo
(Minici 10)
Eha 44:19, NWT—Nyi yí nyɔgbe “fini tɔvuwo nɔnɔ” anyi druɔ? (it-1 417)
Ci èhlɛn Bibla kwɛshila cɛ mɛ tɔ ɖe, enuvevi ciwo nu èji mɔ yeaxo nuxu soɔ?
3. Bibla Hlɛnhlɛn
(Minici 4) Eha 44:1-26 (th enukplakpla 11)
4. Lé Àwɛ Atɔ Seŋkankan ji Nywiɖe
(Minici 4) SO AXOMƐ YI AXOMƐ. Sɔ Bibla nukplakpla ɖo ŋmɛ nɔ amɛ lɔ. (lmd enukplakpla 5 hlɛnhlɛnmɛ 5)
5. Wanɔ Trɔtrɔyiwo Nywiɖe
(Minici 5) SO AXOMƐ YI AXOMƐ. Yɔ amɛ lɔ nɔ jugbaja nuxu ci woaxo le kwɛshila ci yí gbɔgbɔ mɛ. Dasɛ video ci yí nyi Nyiwo yí Jɔnɔ le Fyɔɖuxuxɔwo Mɛɔ? (lmd enukplakpla 7 hlɛnhlɛnmɛ 5)
6. Nuxu
(Minici 3) lmd Enyɔ ciwo yí le vɔvɔnu A hlɛnhlɛnmɛ 4—Nyɔta: Amɛshiamɛ Anɔ Lanmɛsɛn Blebu mɛ. (th enukplakpla 2)
Ehajiji 21
7. Wa Ðaŋ Asɔ Gbeta so Edɔ ci yí Àwa Koɖo Fini Àyi Suklu Sɛn nu
(Minici 15) Enyɔlekpɔ.
Jajɛwo, míwa toto so edɔ ci míavawa nu nɔ míyi suklu ɖegbɔa? Taŋfuin edɔ ɖe le tamɛ nɔ eo yí ènya mɔ yɛavakpedo ye nu yí yeawa emɔɖeɖedɔ lɔ. Taŋfuin èbubuɔ tamɛ kpɔ so ekpla ci àxɔ doji nu keŋ anya ŋɖe wawa ɖɛ alo aɖo diplomu ɖe ci yí akpedo eo nu nawa edɔ ɖe. Hwenu vevi ŋtɔteŋ yí nyi hwenu cɛwo le ao gbe mɛ! Ci edɔwawa sugbɔwo liɔ, èsɛnŋ caka le susu mɛ so ci àwa le wo mɛ nu, ɖo taŋfuin ci amɛwo xoxoɔ nuxu tɔ eo so nuɔ, denya ci àwa keke ao nu akpe nɔ wo o. Nyi yí akpedo eo nu nawa ɖaŋ asɔ gbeta nywiwoɔ?
Hlɛn Matie 6:32, 33 keŋ abiɔ se mɔ:
Nyi yí taɖo enyɔ mɔ woaɖo gbɔngbɔn mɛ tajinuwo koŋ, keŋ gbɔxwe asɔ gbetawo so edɔ ci woawa koɖo fini woayi suklu sɛn nuɔ?
Lé vidawo atɛnŋ akpedo wowo viwo nu nɔ woawa do enyɔ ci yí le Matie 6:32, 33 jiɔ?—Eha 78:4-7
Nɔ zanŋte nɔ ŋgbenyi lé àwɛ yí avanyi hotɔnɔ alo gbɛmɛnuwo asun eo shi yí ale ŋgbe nɔ gbeta ciwo èjikɔ asɔ o. (1 Ʒan 2:15, 17) Ðo ŋwi mɔ, eho koɖo agbemɛnuwo wawa ɖɛ tɛnŋ dɔ yí agbɔnnu nɔ mɛɖe mɔ, ase Fyɔɖuxu ŋɛnywi lɔ. (Luiki 18:24-27) Nɔ mɛɖe le dɔ wakɔ sɛnŋsɛnŋɖe mɔ yeakpɔ ehoɔ, ágbɔnnu ni mɔ aɖo xɔse sɛnŋ yí agbegbɔnnu ni mɔ aje agbla keŋ nɔ yi nu akpe nɔ Yehowa.—Mat 6:24; Maki 8:36.
Xo VIDEO Kpɔ nywiɖe le kankando enu ciwo yí denini tɛgbɛɛ ji nu!—Dɔkunuwo keŋ abiɔ se mɔ:
Lé Elododo Wema 23:4, 5 akpedo eo nu nasɔ gbeta nywiwo doɔ?
8. Hamɛ Bibla Nukplakpla
(Minici 30) bt Eta 10 mm. 5-12