Míva Yehowa To Ji

1. Mìkɔ eta yi ji,

Yí akpɔ etowo ɖa.

Mawu tɔ gangan sugbɔ,

Yí yi ji wu wo pleŋ.

Le’ŋkeke cɛwo mɛɔ,

Amɛ’o so jinjintɔxu’o,

Yí yɔkɔ wo’ kpena’o mɔ,

‘Wo le va sɛn Mawu.’

Gamɛ lɔ va ɖo vɔ

Yí’amɛ kankin lɔ’o va sugbɔ gbiŋ.

Ci mìle gbɔ sukɔ,

Mìnya mɔ Yehowa shicu yɔ.

Amɛ sugbɔsugbɔ

Vakɔ Yehowa gbɔ gbɛ.

Yí ɖokɔ gbe ni mɔ

Yewoa nɔ gbɔ yi mavɔ.

2. Yesu nu nɔ mì mɔ

Mì’o le yi adra nyɔ lɔ,

Nɔ amɛ’o le’afishiafi

So Ma’u Fyɔɖuxu nu.

Ele acɛ kpakɔ,

Yí yɔkɔ amɛwo pleŋ.

Amɛfafa’o xɔ gbe ni

Yí Mawu kplɔkɔ wo.

Jijɔ’enyi nɔ mì mɔ,

Mɛ ci’o vakɔ sukɔ gbɔ do ji.

Mì pleŋ yí le dɔ ji,

Nɔ’amɛshiamɛ ase ŋɛdu lɔ.

Mína nɔ mìado’axwa,

Anukɔ nɔ amɛ’o mɔ,

‘Míva! Mìade eto

Ma’u tɔ ji yí’ani tɛgbɛɛ.’