EHAJIJI 135
Yehowa Nukɔ nɔ Eo Mɔ: “Anyi Vi, Nya Ŋɖɛ”
(Elododo Wema 27:11)
1. Ðajɛvi koɖo cugbɛjɛ,
sɔ ao ji nɔŋ.
Nɔ matɛnŋ aɖo nyɔ’ŋci
nɔ ketɔnɔ lɔ.
Sɔ jajɛ hwenu ao tɔ’o pleŋ
sɔ wa nyi dro;
Yí’adasɛ nɔ xexe cɛ
mɔ kinyɛ ènyi.
(EHAXEXE)
Eo ɖajɛvi alo nyɔnuvi,
Nyaŋɖɛ nɔ eji ajɔkɔŋ,
Nyɛŋji mɔ eɔŋtɔ yí’asɔ gbeta,
Yí asɛnkɔŋ koɖo jijɔ.
2. Jajɛ kpɔ jijɔ yí’asɔ
eoɖeki jo nɔŋ,
Nɔ èva juin can
ŋgbevɔn’o nali nɔ eo.
Nɔ eva jɔ mɔ ao xlɔ ɖe’o
va ble eo can,
Kandoji mɔ nalekɔ bu
nɔ eo tɛgbɛɛ.
(EHAXEXE)
Eo ɖajɛvi alo nyɔnuvi,
Nyaŋɖɛ nɔ eji ajɔkɔŋ,
Nyɛŋji mɔ eɔŋtɔ yí’asɔ gbeta,
Yí asɛnkɔŋ koɖo jijɔ.
(Gbekpɔ 2 Ese. 6:5; Ŋunu. 11:9; Ezai 41:13.)