ENUKPLAKPLA 05
Eŋɛdu ci yí so Mawu gbɔ nɔ mì le Bibla mɛ
Yehowa na nunywi ɖeka mì. Eyi nyi Bibla ci mɛ wema 66 le. Vɔ àtɛnŋ abiɔ se mɔ: ‘Shini Bibla soɔ? Mi tɔ enyiɔ?’ Nɔ mìakpɔ ɖoŋci nɔ biɔse cɛwoɔ, mìaxo nuxu so lé ejɔ do keke Mawu ŋɛdu ci yí le Bibla mɛ vaɖo mì gbɔ nu.
1. Nyi yí taɖo enyi agbetɔwo yí ŋwlɛ Bibla gan yí mìnunɔ mɔ yɛso Mawu gbɔɔ?
Amɛ 40 han yí ŋwlɛ Bibla le exwe 1 600 han gblamɛ. Woŋwlɛ Bibla wema ŋkɔtɔ le exwe 1513 D.Y. yí ŋwlɛ wema kpɛtɛkpɛtɛ le exwe 98 K.H. mɛ han. Mɛ ciwo yí ŋwlɛ Bibla so texwe vovovo, ɖewo nyi dɔkunɔwo, ɖewo yi suklu nywiɖe gbɔxwe ebuwo nyi wamɛnɔwo koɖo amɛgbaliwo. Ci ele ahan can ɔ, enu ciwo pleŋ woŋwlɛ ɖekpokpui detrɔkpe nɔnɔ o. Lé ewɛ yí nyi ahan ɔ? Ðo Mawu gbɔ yí ŋɛdu lɔ so. (Hlɛn 1 Tɛsalonikitɔwo 2:13.) De enyɔ ciwo yí le susumɛ nɔ enuŋwlɛtɔ lɔwo yí woŋwlɛ o. Vɔ enyɔ lɔwo so “Mawu gbɔ toto Gbɔngbɔn Kɔkwɛ mɛ.”a (2 Piɛ 1:21) Mawu yí gbɔn do amɛwo mɛ yí woŋwlɛ yi susuwo.—2 Timɔte 3:16.
2. Mi yí atɛnŋ aɖu le nɔ Bibla mɛ nyɔwoɔ?
Mawu mɔ, “jukɔn ɖeshaɖe, akɔta ɖeshaɖe, egbedodo ɖeshaɖe koɖo eju ɖeshaɖe” mɛ tɔwo aɖu le nɔ eŋɛnywi ciwo yí le Bibla mɛ dru. (Hlɛn Enyɔdasɛ 14:6.) Egbɛɔ, Bibla le egbe sugbɔ mɛ sɔwu wema ɖeshiaɖe. Amɛshiamɛ atɛnŋ ahlɛn Mawu Nyɔ lɔ gbɛ. Nɔ mɛ lɔ le fiɖekpokpui alo donɔ gbe ɖekpokpui can ɔ, átɛnŋ ahliin.
3. Lé Yehowa wɛ yí glɔn ta nɔ Biblaɔ?
Enu ciwo yí dedɔnnɔ ji ahan shigbe elangbaza koɖo wemaxlaxla ci wosɔ papyrus wanɔ ji yí woŋwlɛ Bibla do. Vɔ mɛ ciwo yí lɔn Bibla, trɔ yí ŋwlɛnɔ enu lɔwo ɖɛ pɛpɛpɛ. Ci acɛkpatɔ koɖo sɛnsɛnŋkɔnɔtɔ ɖewo tekpɔ mɔ yewoagu Bibla can ɔ, mɛbuwo lɔn faa yí sɔ wowoɖekiwo ke ku keŋ yí glɔn ta ni. Yehowa delɔn yí mɛɖe alo ŋɖekɛ dɔ emi nuxu xoxo koɖo mì o. Bibla nu mɔ: “[Enyɔ] mìwo Mawu tɔ kpɔtɔ li keke sɔ yì mavɔ mavɔ.”—Ezai 40:8.
JI DWI NI KPƆ DOJI
Kpla nubuwo doji so lé Mawu to yi gbɔngbɔn kɔkɔɛ ji yí kpedo amɛwo nu yí woŋwlɛ Bibla, lé ewɛ yí glɔn ta ni koɖo lé ewɛ yí amɛshiamɛ atɛnŋ ahlin nu.
4. Bibla ŋtɔ nu Mɛ ci tɔ enyi nɔ mì
Xo VIDEO lɔ. Le yi goduɔ, hlɛn 2 Timɔte 3:16 yí akan seŋ so nyɔbiɔse ciwo yí gbɔgbɔ nu.
Nɔ agbetɔwo yí ŋwlɛ Bibla ɖe, nyi yí taɖo woyɔɛni mɔ Mawu Nyɔɔ?
Èkando ji mɔ, Mawu anu yi susuwo nɔ agbetɔwo yí woaŋwlɛ drua?
Shigbe lé woanu nyɔwo nɔ wemaŋwlɛtɔ ɖe yí aŋwlɛ wo gan yí danyi yiŋtɔ nyɔwo yí eŋwlɛ hannɛɔ, ahanke agbetɔwo can ŋwlɛ Bibla yí enyi Mawu ŋɛduwo yí woŋwlɛ do mɛ nɛ.
5. Wodetɛnŋ gu Bibla o
Nɔ Mawu gbɔ yí Bibla soɔ, mìakpɔ emɔ mɔ Mawu aglɔn ta ni. So keke tɔgbitɔgbiwo hwenu yí agbetɔ ŋsɛntɔnɔ ganganwo tekpɔ mɔ yewoagu Bibla. Sɛnsɛnŋkɔnɔtɔwo tekpɔ mɔ yewoasɔ wla. Vɔ amɛ sugbɔ lɔn faa mɔ yewoaku do ta nɔ Bibla lɔ ci wodelɔn nu nɔ wo ɖeeɖe yí mɔ woawu wo can. Nɔ àkpla nu so mɛɖeka nu le wo mɛɔ, xo VIDEO lɔ, yí agbeje nyɔbiɔse ciwo yí gbɔgbɔ mɛ.
Ecɛyɛ ci èvanya mɔ amɛ sugbɔ sɔ wowoɖekiwo ke ku keŋ yí glɔn ta nɔ Bibla ɖe, egbedro eo doji mɔ àhlin a? Nyi yí taɖoɔ?
Hlɛn Ehajiji Wema 119:97 yí aji ɖoŋci nɔ nyɔbiɔse ci yí gbɔgbɔ:
Nyi yí dɔ yí amɛ sugbɔ lɔn faa mɔ yewoaku do ta nɔ Bibla keŋ yí ɖe gɔnmɛ ni do egbe buwo mɛ yí gbemi nɔ amɛwoɔ?
6. Mɛshiamɛ yí woŋwlɛ Bibla nɔ
Bibla yí woɖe gɔnmɛ nɔ do egbe sugbɔ mɛ sɔwu le xexeɛ mɛ. Eyi gbenyi wema ci woma sɔwu wema ɖekpokpui le xexeɛ pleŋ mɛ. Hlɛn Edɔwawawo 10:34, 35 yí aji ɖoŋci nɔ nyɔbiɔse ciwo yí gbɔgbɔ:
Nyi yí taɖo Mawu ji mɔ wo le ɖe ye Nyɔ lɔ gɔnmɛ yí ami nɔ amɛ sugbɔ ahan ɔ?
Nyi yí jɔ ji nɔ eo le Bibla nuɔ?
Ekpɔtɔ hwɛɖeka amɛ
100%
le xexeɛ mɛ
aɖo Bibla le egbe ci woatɛnŋ ahlɛn mɛ
Bibla lɔ pleŋ alo yi kpaxwe ɖe
le egbe ciwo yí wu
3 000
mɛ
5 000 000 000
han yí wowa
Esugbɔ sesese wu wema ɖekpokpui
MƐÐEWO NUNƆ MƆ: “Wema xoxui ci agbetɔwo ɖe susu yí ŋwlɛ yí Bibla nyi.”
Lé èkpɔɛ doɔ?
Nyiwo yí ɖo kpe yi ji mɔ Bibla nyi Mawu Nyɔɔ?
ENU CI ÈKPLA
Mawu Nyɔ yí Bibla nyi. Éwɛ keke nɔ mɛshiamɛ avakpɔɛ ahlɛn.
Enumɛtoto
Nɔ mìmɔ Mawu gbɔn do amɛwo mɛ yí woŋwlɛ Bibla ɖe, gɔnmɛsese ci yí le nuɔ?
Ci agbetɔwo dekpe ji yí gu Bibla o, yí woɖeɖeɛ gɔnmɛ ni do egbe buwo mɛ yí gbemimiɛ ɖe, nyi yí kpaca eo le mɛɔ?
Ci èvanya mɔ Mawu do gbla sugbɔ ahan keŋ atɛnŋ axo nuxu koɖo eo ɖe, lé ewa nɔ eoɔ?
KPƆ ŊCƐWO KPƆ
Hlɛn exolɔlɔ ci yí dre lé wowa alɔnuŋwlɛŋwlɛ Bibla ŋkɔtɔ do keke vaje Bibla gɔnmɛɖeɖe egbɛ tɔwo ji.
“Lé Bibla wɛ yí vale mì shi” (Reveillez-vous!, novembre 2007)
Kpɔ lé woji mɔ woagu Bibla si le nujɔjɔ gangan amɛtɔn ɖekawo mɛ gan yí wodesun ji ɖa.
“Enu ci yí taɖo wodesun ji yí gu Bibla o” (Jutakpɔxɔ No. 4 2016)
Kpɔ lé mɛbuwo sɔ wowoɖekiwo ke ku keŋ yí ɖe Bibla gɔnmɛ do egbe buwo mɛ ɖa.
Woŋwlɛ Bibla yí gbeɖe gɔnmɛ ni do egbe buwo mɛ zenɛniɖe. Lé àwɛ akando ji mɔ wodetrɔ nyɔ ciwo Mawu nu do mɛɔ?
a Shigbe lé woaɖe mɛ le Enukplakpla 07 tɔ lɔ mɛ nɛɔ, mìakpɔɛ mɔ gbɔngbɔn kɔkɔɛ yí nyi Mawu dɔwaŋsɛn.