Xɔse sɛnŋ le eo shi do Yehowa gbeɖuwo nua?

Ӡosue koɖo Salomɔ ɖo kpe yi ji mɔ enyɔ kuɖeka kpetii degbe mavamɛ le Yehowa nyɔnuɖɛwo mɛ o. (Ӡos 23:14; 1Efy 8:56) Kunuɖenyɔ egbejinɔtɔ amɛve cɛwo tɔ nyi gɔnmɛɖokpe sɛnŋsɛnŋ ci ji mìatɛnŋ acu mìwo xɔse do.​—2Kor 13:1; Titu 1:2.

Lé Yehowa wa do yi gbeɖuwo ji le Ӡosue hwenuɔ? Kpɔ enukpɔkpɔsɔkplanu video ci yí nyi “Nya Ku Ðeka Hɔ̃ Hã Meto Le Eme O” koɖo ao xomumɛtɔwo. Míji ɖoŋci nɔ enyɔbiɔse cɛwo: (1) Lé míatɛnŋ aɖyi Raxabu do le xɔse dɔwawawo mɛɔ? (Ebre 11:31; Ӡaki 2:24-26) (2) Lé Akan kpɔwɛ dasɛ mɔ etosɛnsɛn kplɔnɔ amɛ yi eku mɛɔ? (3) Nyi yí taɖo Gibeɔntɔwo nyi ahwawatɔ bibiwo ganŋke yí ble Ӡosue domɛ keŋ yí wa fafa koɖo Izraɛliviwoɔ? (4) Lé Yehowa nyɔnuɖɛwo vamɛ do hwecinu yí Amoriti fyɔ amatɔn lɔwo fɔn ahwa do Izraɛli jiɔ? (Ӡos 10:5-14) (5) Ci yí mísɔ Mawu Fyɔɖuxu koɖo yi jɔjɔɛnyinyi ɖo texwe ŋkɔtɔ le míwo gbe mɛ ɖe, lé Yehowa kpedo mí nu doɔ?​—Mt 6:33.

Nɔ mìkpɔtɔ yí bunɔ tamɛ kpɔ so enu ciwo pleŋ Yehowa wa vayi, ciwo yí ewakɔ le egbɛmɛ koɖo ciwo yí avawa nuɔ, mìwo xɔse kudo yi gbeɖuwo nu asɛnkɔŋ doji.​—Rɔm 8:31, 32.