Lé àdrado do Eŋwiɖoɖo lɔ nu doɔ?

So exwe cɛ jiɔ, mìaɖo gamɛ sugbɔ wu yí adrado do Eŋwiɖoɖo Kristo ku ji lɔ nu. Nɔ Eŋwiɖoɖo lɔ je azan ɖe ji le kwɛshila ɖe dodomɛɔ, wodawa Kristotɔwo gbenɔnɔ koɖo sumɔsumɔdɔ bɔbɔ lɔ o. Nɔ Eŋwiɖoɖo lɔ je kwɛshila vɔvɔnuɔ, wodawa jugbaja nuxu koɖo Jutakpɔxɔ nukplakpla bɔbɔ lɔ o. Àzan gamɛ ci yí je ji le ao totowo mɛ nywiɖea? Shigbe lé wowɛ le exwe sanŋdi ŋkɔtɔ mɛ nɛɔ, woawa toto ɖewo nɔ wana vevi cɛ. (Lk 22:​7-13; km-EW 3/15 1) Vɔ mì pleŋ ɖo adra mìwo jiwo do. Lé mìawɛ doɔ?

• Bu tamɛ kpɔ so enu ci yí taɖo bɔbɔ lɔ yiyi le veviɖe nu.​—1Kor 11:​23-26

• Do gbe ɖaɖa veviɖe yí abu tamɛ kpɔ so ekacaca ci yí le eoŋtɔ koɖo Yehowa gblamɛ nu.​—1Kor 11:​27-29; 2Kor 13:5

• Hlɛn enu ciwo yí wocu do Ŋwlɛnŋwlɛn lɔwo ji, ciwo yí xo nuxu so gɔnmɛsese ci yí le Eŋwiɖoɖo lɔ nu, keŋ abu tamɛ kpɔ so wo nu.​—Ʒan 3:16; 15:13

Eŋɛnywidratɔ ɖewo hlɛnnɔ Eŋwiɖoɖo Bibla hlɛnhlɛn ciwo yí le Ŋɔŋlɔawo Me Dzodzro Gbe Sia Gbe mɛ, yí bunɔ tamɛ kpɔ so wo nu. Mɛbuwo hlɛnnɔ Bibla kpukpui ciwo yí le dakavi ci yí le lɛ mɛ. Mɛɖewo gbetrɔ yí tonɔ Jutakpɔxɔ nyɔta ciwo yí xo nuxu so Eŋwiɖoɖo lɔ koɖo lɔnlɔn ci Yehowa koɖo Yesu ɖo nɔ mì nu mɛ. Ŋɖekpokpui ci àsɔ mɔ yeakplaɔ, le na nate gogo Yehowa koɖo Eviɛ doji sɔwu.