Edɔ nywi ciwo wodaŋlɔbe o

Yehowa sɛntɔwo pleŋ atɛnŋ awa edɔ nywi ciwo Yehowa davaŋlɔbe kpɔ o. Shigbe lé jila lɔn-amɛ ɖe daŋlɔbe enunywi ciwo yí eviɛwo wa gbeɖe hannɛɔ, ahanke Yehowa can daŋlɔbe edɔ ciwo yí mìwa koɖo lɔnlɔn ci mìɖo nɔ yi ŋkɔ lɔ o. (Mt 6:20; Ebr 6:10) Le nyɔnɔnwi mɛɔ, enujikpekpe mìwo tɔwo koɖo enu cìwo mɛ mìtokɔ le agbemɛ le vovovo. Ele ahan gan, nɔ mìwakɔ ci ji mìkpe le Yehowa sɛnsɛn mɛɔ, mìakpɔnɔ jijɔ. (Gal 6:4; Kol 3:23) So xwe nɛni ɖewo keɔ, nɔviŋsu koɖo nɔvinyɔnu kotokun nɛniɖe sumɔkɔ le Betɛli. Àsun ji anyi lɔnlɔn faa dɔwatɔ le Betɛlia? Nɔ datɛnŋ awɛ ɖe, àtɛnŋ ado ŋsɛn mɛɖe mɔ yɛ le wɛ abi akpedo Betɛli xomumɛtɔ ɖe nu nɔ akpɔtɔ ayi sumɔsumɔdɔ yi tɔ lɔ jia?

KPƆ VIDEO CI YÍ NYI LE GBESƆSƆ NƆ BETƐLI SUMƆSUMƆDƆ; LE YI GODUƆ, NA ÐOŊCI NƆ ENYƆBIƆSE CIWO YÍ GBƆGBƆ:

• Nyi yí ɖo acucu mɛɖe yí amɔ yeasumɔ le Betɛliɔ?

• Nyɔna ci mɛɖewo kpɔ le sumɔsumɔ le Betɛli mɛɔ?

• Nyiwo gbɔ mɛɖe aɖo gbɔxwe aje asumɔ le Betɛliɔ?

• Lé àwɛ ado alɔ wema mɛ nɔ sumɔsumɔ le Betɛliɔ?