‘Le bu nɔ enu cɛwo’

Nyiwo yí nyi nu lɔwoɔ? Filipitɔwo 4:8 nu mɔ mìwo le le bu nɔ enushianu ci yí nyi nyɔnɔnwi, ci nu bubu le, ci yí sɔgbe, ci yí kɔ, ci woalɔn, ci nu woxonɔ nuxu nywi so, ci yí je acɔ koɖo ci nu yí kanfukanfu le. Ecɛ dedasɛ mɔ, Ŋwlɛnŋwlɛn lɔwo ɖekɛ nu yí Kristotɔwo ɖo abunɔ tamɛ kpɔ so hweɖekpokpuinu o. Ele ahan gan, enu ciwo nu mìabunɔ tamɛ kpɔ so ɖo ajɔnɔ ji nɔ Yehowa. Wodeɖo adahɛn gbeta ci mìsɔ mɔ mìanɔ gbeji ni o.​—Eha 19:14.

Atɛnŋ agbɔnnu nɔ mì mɔ, mìagbe susu dɔndɔnwo. De mìwoŋtɔwo gbaza makpemakpe lɔ ɖekɛ yí mìɖo awa ahwa koɖo o, mìɖo awa ahwa koɖo Satana, “totoɖoanyi cɛ mawu” ŋsɛnkpɔdoamɛjiwo hɛnnɛ. (2Kor 4:​4, nwt) Ci enyi Satana yí kpakpa cɛ nɔ xexe lɔɔ, enu ciwo wodanasɛ le televiʒiɔn, ɛntɛnɛti ji, enyɔ ciwo wonunɔ le radio ji koɖo enu ciwo yí le wemawo mɛ sugbɔtɔ nyi enu xoɖyixoɖyiwo. Mìɖo anɔ zanŋte do enu ciwo ji mìsɔ susu ɖonɔ nu nywiɖe, ɖo enu ci ji mìsɔ susu ɖonɔ kpɔnɔ ŋsɛn do tamɛbubu mìwo tɔ koɖo mìwo nuwanawo ji.​—Ʒaki 1:​14, 15.

KPƆ VIDEO CI YÍ NYI GBE WANA CIWO YÍ AGBLE NU LE EGBEJINƆNƆ NU​—AYEÐEDAÐƐ MASƆGBE, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• 

  Nyi nɔviŋsu lɔ kpɔnɔ le yi telefonu jiɔ, yí lé enu ci ekpɔnɔ lɔ kpɔ ŋsɛn do ji doɔ?

• 

  Lé Galatitɔwo 6:​7, 8 koɖo Ehajiji Wema 119:37 kpedo nu doɔ?