Nyi àtɛnŋ akpla le ehakpakpawo mɛɔ?

Ehakpakpa ciwo yí jɔnɔ ji nɔ eoɔ? Nyi yí taɖoɔ? Èkpɔ mɔ enu ciwo mìwanɔ ŋkeŋke nɔnɔ video lɔwo mɛa? Ci enyi nyɔta vovovowo yí nɔnɔ ehakpakpa lɔwo shi yí miziki lɔwo can gbetonɔ akpoɔ, mɛɖekaɖeka sɔnɔ ci yí jɔ ji ni. Vɔ ehakpakpa video lɔwo denyi enu ci mìkpɔnɔ yí sɔ ɖenɔ aye daɖɛ kpoŋ o.

Le ehakpakpa ɖekaɖeka mɛɔ, mìkplanɔ enu ciwo ji mìawa do le mìwo Kristotɔwo gbenɔnɔ koɖo sumɔsumɔdɔ lɔ mɛ. Ehakpakpa ɖewo xo nuxu so mɛdruxɔxɔ, ejunɔnɔ, exlɔwawa, edɔngbegbe, lɔnlɔn koɖo xɔse nu. Ebuwo xo nuxu so lé woatrɔ va Yehowa gbɔ, lé woasɔ nu ke amɛ, lé woanɔ gbeji koɖo lé woaxo kan nɔ gbɔngbɔnmɛ tajinuwo do. Ehakpakpa ɖeka can xo nuxu so lé mìazannɔ mìwo telefonu le dredrenu do. Nyiwo yí ègbekpɔnɔ le ehakpakpa video lɔwo mɛ ciwo èjinɔ mɔ yeawaɔ?

MÍKPƆ EHAKPAKPA VIDEO CI YÍ NYI DAGBEJINJIN ÐEEÐE O. LE YI GODUƆ, MÍANA ÐOŊCI NƆ NYƆBIƆSE CIWO YÍ GBƆGBƆ:

• Esɔmɛ shicu ciwo nu asu koɖo ashi shinshin lɔ bukɔ tamɛ kpɔ soɔ?​—Gɔnm 12:3

• Lé mìawɛ nɔ xɔse ci mìɖo mɔ Yehowa awa do egbe ciwo eɖo ji asɛnŋ kpeŋkpeŋ ɔ?

• Nɔnɔkpɔkpɔ jɔjinamɛ ci yí gbɔgbɔ le majinjinɖe mɛɔ?

• Lé etenɔnɔ kpɔ enu ciwo Mawu Fyɔɖuxu lɔ avawa kpenɔdo mì nu mìdonɔ ji le cukaɖa ciwo mɛ mìtokɔ yɛ mɛɔ?​—Rɔm 8:25