Lé mìawɛ yí mìwo kunuɖeɖedɔ anyɔ doji​—Kunuɖeɖe nɔ ŋkuvitɔnnɔwo

ENU CI YÍ NA ELE VEVIÐE: Ŋkuvitɔnnɔ sugbɔ devonɔ le wowoɖekiwo mɛ nɔ woxokɔ nuxu koɖo mɛ ci wodejeshi ɖɛ o. Eyi taɖo ele mɔ mìanya alɔkpa ci mìasɔ ɖe kunu nɔ nɛnɛmunɔwo. Yehowa lɔn ŋkuvitɔnnɔwo. (1Ese 19:14) Nɔ mìkpenɔdo ŋkuvitɔnnɔwo nu nɔ woajeshi Yehowa ɖɛ keŋ avanyi yi xlɔwoɔ, anyi mìsrankɔ Yehowa.

LÉ MÌAWƐ DO:

• ‘Ji’ ŋkuvitɔnnɔwo kpɔ. (Mt 10:11) Èjeshi mɛɖe ɖɛ yí yi xomumɛtɔ ɖe nyi ŋkuvitɔnnɔa? Mìwo habɔbɔ lɔ wanɔ wemawo nɔ ŋkuvitɔnnɔwo. Ŋkuvitɔnnɔwo suklu alo gbɛbɔbɔ ɖewo le míwo nyigbanmama mɛ yí aji mɔ yewoaxɔ wema cɛwo nɔ ŋkuvitɔnnɔwoa?

• Sɔ ɖe le ji nɔ wo. Nɔ èvo xomɛ yí haya do ŋkuvitɔnnɔwo jiɔ, ana woavo akan seŋ koɖo eo. Tekpɔ akan seŋ koɖo wo so enyɔ ci yí ajɔ ji nɔ wo nu

• Kpedo wo nu le gbɔngbɔnmɛ. Habɔbɔ lɔ wa wema vovovowo nɔ ŋkuvitɔnnɔwo alo mɛ ciwo yí dekpɔnɔ nu nywiɖe o. Biɔ ŋkuvitɔnnɔ lɔ se nɔ anu lé eji mɔ woakpla nu lɔ do koɖo ye. Sumɔsumɔdɔ jikpɔtɔ ɖo akando ji mɔ, mɛ ci yí kpɔnɔ wemawo ji dɔ wema ciwo yí ŋkuvitɔnnɔ ɖe jikɔ