Sɔ eoɖeki hwe nɔ mɛbuwo kanfukɔ eo

Hweɖewonuɔ, amɛwo kannɔfu mì. Ecɛ atɛnŋ ado ŋsɛn mì nɔ amɛ lɔ kanfu mì koɖo susu nywi nɔ ŋɖe ci mìwa. (Elo 15:23; 31:10, 28) Vɔ ele mɔ mìanya wawa nɔ mìŋgbevatɔ mìwoɖekiwo kpɔkpɔ mɔ mìnyɔ wu mɛkpɛtɛwo yí atɔ ego yiyi o.

MÍKPƆ VIDEO CI YÍ NYI NƆ GBEJI SHIGBE YESU HANNƐ—NƆ WOKANFUKƆ EO, KEŊ AÐO NYƆBIƆSE CIWO YÍ GBƆGBƆ ŊCI:

Enu ciwo mɛ amɛwo atɛnŋ akanfu mì le ɖewo ɖe?
Lé nɔviwo kanfu Simɔ doɔ?
Lé wogbekanfui ɖoɖu doɔ?
Nyiwo yí èkpla le nudonu ci Simɔ na koɖo amɛɖekisɔsɔhwe mɛɔ?

Sɛni ci yí le video ci yí nyi ‘Nɔ gbeji shigbe Yesu hannɛ—Nɔ wokanfukɔ eo,’ ci mɛ wodadasɛ lé Simɔ sɔ amɛɖekisɔsɔhwe nu do kanfukanfunyɔ masɔgbe ci nɔviŋsu ɖekawo nukɔ ni koɖo susu nywi hwecinu wobɔ doju le nɔviŋsu ɖeka xomɛ.