Mínɔ te sɛnsinɖe ci vɔvɔnu lɔ gogokɔ

ENU CI YÍ TAÐO ELE VEVIÐE: Enusojikanamɛ ciwo yí dejɔ kpɔ o ajɔ sabaaɖe yɛ, yí hwenɔnu mìadasɛ mɔ mìnyi dɔngbetɔ ciwo yí kannɔdo Yehowa ji nɛ. Ŋsusɛnsɛnhawo gugu yí anyi tɔtɔmɛ nɔ efunkpekpe gangan lɔ. (Mt. 24:21; Enyɔ 17:16, 17) Le hwenu sɛnŋ ŋtɔ́ mɛɔ, mìatɛnŋ adra kojoɖoɖo ŋɛdu sɛnŋsɛnŋ ɖeka. (Enyɔ 16:21) Gogi ci yí so Magogi aje mì ji. (Eze. 38:10-12, 14-16) Eyi “Mawu ŋsɛnwo keŋkeŋtɔ zan gangantɔ lɔ hwa wagbe” lɔ atɔ ji, yí Yehowa ahwlɛn yi mɛwo gan. (Enyɔ 16:14, 16) Gbɔxwe mìasun ji agbe dɔn le enujɔjɔ cɛwo hwenuɔ, ele mɔ mìanɔ te sɛnsinɖe le egbɛmɛ nɔ mìdo go xɔse dodokpɔwo.

LÉ MÌAWƐ DO:

• Sɔ dɔngbegbe nɔnɔ agbe asɔnɔ koɖo agbenywinɔnɔ se kɔyiji Yehowa tɔwo.—Ezai 5:20

• Kpɔtɔ asɛnkɔ Yehowa doju koɖo ao kpena Kristotɔwo.—Ebr 10:24, 25

• Le gbesɔsɔ awanɔ do Yehowa habɔbɔ mɔdasɛnamɛwo ji.—Ebr 13:17

• Bunɔ tamɛ kpɔ so lé Yehowa hwlɛn yi mɛwo do vayi nu.—2 Piɛ 2:9

• Donɔ gbe ɖaɖa nɔ Yehowa yí akannɔdo ji. —Eha 112:7, 8

MÍKPƆ WADASƐ VIDEO CI YÍ NYI ESƆMƐ NUJƆJƆ CIWO MƐ YÍ EDƆNGBEGBE AӠAN LE—AKPAXWE KLEŊ, KEŊ AÐO NYƆBIƆSE CIWO YÍ GBƆGBƆ ŊCI:

• 

  Tonusese dodokpɔ ci mɛ eŋɛnywidratɔwo to hwenu ci woma wowo hamɛ ci mɛ wole do hamɛ buwo jiɔ?

• 

  Lé tonusese na mìgbenɔ dɔn doɔ?

• 

  Nyi yí taɖo mìɖo agbe dɔn le Harmagedɔn hwenuɔ?

• 

  Bibla mɛ xolɔlɔ ci yí akpedo mì nu yí xɔse ci mìɖo mɔ Yehowa ahwlɛn mì gan asɛnŋ dojiɔ?—2Kro 20:1-24