Wa emɔɖeɖedɔ lɔ asɔ kanfu Yehowa

Enu sugbɔ yí taɖo Izraɛliviwo kanfu Yehowa. Éɖe wo ti le Eӡipti yí hwlɛn wo gan yí Faraɔn hwakɔn dewa ŋɖe nɔ wo o. (Hun 15:1, 2) Yehowa kpɔtɔ le enunywiwo wakɔ nɔ yi mɛwo le egbɛmɛ. Lé mìado akpe nɔ Yehowa doɔ?—Eha 116:12.

Enu ɖeka ci mìawa yí nyi mɔ mìanyi kpedonu mɔɖetɔ alo gbeshiagbe mɔɖetɔ. Àtɛnŋ ado gbe ɖaɖa nɔ Mawu mɔ, yi le na edro koɖo ŋsɛn ye nɔ yeanyi mɔɖetɔ. (Fili 2:13) Amɛ sugbɔ tɔnɔ ji so kpedonu mɔɖeɖedɔ lɔ ji. Nɔ èhɛn ɔ, àsɔ gbeta mɔ yeana gaxoxo 30 alo 50 le mars, avril koɖo wleci ciwo mɛ ekán lɔ mɛ hamɛwo jikpɔtɔ vajinɔ hamɛ lɔ kpɔ le. Nɔ èta kpedonu mɔɖeɖedɔ lɔ kpɔ yí kpɔ lé evivi doɔ, taŋfuin àji mɔ yeaje agbla anyi gbeshiagbe mɔɖetɔ. Mɛ ciwo yí wanɔ dɔ gashiagamɛ koɖo mɛ ciwo shi lanmɛ dele can sun ji yí wanɔ mɔɖeɖedɔ lɔ. (mwb16.07-EW 8) Le nyɔnɔnwi mɛɔ, Yehowa yí mìɖo azan mìwo ŋsɛnwo pleŋ asɔ kanfu!—1Kro 16:25.

MÍKPƆ VIDEO CI YÍ NYI NƆVINƆ AMƐTƆN CIWO YÍ LE MONGOLIE, KEŊ AÐO ENYƆBIƆSE CIWO YÍ GBƆGBƆ ŊCI:

• 

  Cukaɖa ciwo mɛ nɔvinɔ amɛtɔn lɔwo to gbɔxwe vanyi emɔɖetɔwoɔ?

• 

  Nyɔna ciwo wokpɔ le mɛɔ?

• 

  Ci wonyi emɔɖetɔwo ɖe, emɔ bu ciwo yí vahun nɔ wo le sumɔsumɔdɔ lɔ mɛɔ?

• 

  Lé wowo kpɔwɛ lɔ trɔ susu nɔ mɛbuwo doɔ?