Àtɛnŋ azan ao ŋsɛn koɖo ao gamɛ do dɔɔ mɛa?

Shigbe lé Ezai nui ɖɛ nɛɔ, lé Yehowa habɔbɔ kpaxwe ci yí le nyigban ji yikɔ ŋkɔ sugbɔ do gbɛ nyi ŋɖeka ci mìdekpɔ kpɔ o. (Ezai 54:2) Ci evanyi ahan ɔ, Fyɔɖuxuxɔ, takpekpexɔ koɖo Betɛli dɔwaxu yoyuwo wu do mì. Eyi nɔ wocu wo ɖegbɔ can ɔ, woɖo akpɔtɔ alekɔ bu nɔ wo, yí atrɔ adra ɖewo do. Ci nu lɔwo le ahan ɖe, nyiwo mɛ yí mìhɛn mìazan mìwo ŋsɛn koɖo mìwo gamɛ nɔ Yehowa leɔ?

• Mìhɛn mìadra Fyɔɖuxuxɔ mɛ do, nɔ enyi kunuɖegbɛ mìwo tɔ ji eɖo

• Mìhɛn mìalɔn mìwoŋtɔwo mɔ, wo le kpla mì lé mìale bu nɔ mìwo Fyɔɖuxuxɔ do

• Mìhɛn mìado alɔ Demande d’admission comme volontaire local développement/construction (DC-50) mɛ keŋ avayi donɔ alɔ exɔcucu koɖo exɔdradrado dɔwo gaɖewomɛ le fini yí dejinjin sugbɔ le mì gbɔ o

• Mìhɛn mìado alɔ Demande d’admission comme volontaire (A-19) mɛ yí asɔ kwɛshila ɖeka abi ci yí wu ahan asɔ do alɔ Betɛli dɔwo mɛ alo asɔ kpedo Betɛli dɔwaxu bu ɖe nu

MÍKPƆ VIDEO CI YÍ NYI WOWA TOTO NƆ EXƆ YOYU ÐEKA CUCU—AKPAXWE KLEŊ, KEŊ AÐO NYƆBIƆSE CIWO YÍ GBƆGBƆ ŊCI:

• Lé mìvazankɔ video sugbɔsugbɔ do gbɛ wu lé mìzin do doŋkɔ nɔ exwe 2014 ɔ?

• Nɔ woasun ji akpɔtɔ awakɔ video lɔwo ahan ɖe, exɔcucu toto ci wowaɔ? Exwe nɛni woasɔ wɛɔ?

• Lé lɔnlɔn faa dɔwatɔwo atɛnŋ ado alɔ edɔ cɛ mɛ doɔ?

• Nɔ mìji mɔ mìado alɔ exɔcucudɔ ci woawa le Ramapo mɛ ɖe, nyi yí taɖo ele mɔ mìado alɔ wema ci yí nyi (DC-50) mɛ yí akpekpeɛdo LDC nu le exɔcucudɔ ciwo ewakɔ le finiwo yí sɔ mì gbɔ mɛɔ?

• Lé mìwɛ yí nya mɔ Yehowa yí “wa toto” nɔ exɔcucudɔ cɛɔ?

• Nɔ mìwoŋtɔwo dasun ji avayi do alɔ exɔcucudɔ cɛ mɛ ɖe, nyiwo mìatɛnŋ awa asɔ do alɔ yiɔ?