Kpɔtɔ adradrado ɖɛ le ŋkeke kpɛtɛkpɛtɛwo mɛ nɔ ‘ŋkeke vɔvɔ lɔwo’

Ci mìle ŋkeke kpɛtɛkpɛtɛwo mɛ nɔ ‘ŋkeke vɔvɔ lɔwoɔ,’ enu ciwo yí ajɔjɔ do mì ji asukɔ gbɔ kpi. (2 Timɔte 3:1; nwtsty enumɛɖeɖe bu kudo Matie 24:8 nu) Nɔ jɔjɔmɛfɔku ɖe jɔɔ, wonunɔ enu ciwo Yehowa mɛwo awa keŋ akpɔtɔ anɔ nywiɖe nɔ wo do gamɛ ji. Lé mìadrado ɖɛ gbɛ le gbɔngbɔnmɛ koɖo le ŋcilanmɛ yí adɔ mìavagan le sɔmɛ.—Luiki 16:10.

• Dradrado le gbɔngbɔnmɛ: Gbɔngbɔnmɛnu nywi ciwo èwanɔ le nyi numamɛ nɔ eo. Kpla lé àɖenɔ kunu do alɔkpa vovovowo ji. Nɔ ŋɖe vajɔ yí dagbevanɔ nɔviwo gbɔ le hwenu kleŋ ɖe mɛɔ, jika ŋgbeso eo o. (Ezai 30:15) Yehowa koɖo Yesu yɛ le eo gbɔ tɛgbɛɛ.—od-EW 176 mm. 15-17

• Dradrado le ŋcilanmɛ: Xomu ɖekaɖeka aɖo godu ɖe ci mɛ nuwo ale ɖɛ. Ahanke woaɖo ŋɖuɖu, eshi, cike koɖo nubuwo ɖɛ nɛ. Woɖo adrado ɖɛ yí ale gbesɔsɔ avanɔ fiɖe nɔ hwenu kleŋ ɖe.—Elododo Wema 22:3; g17.5-EW 4, 6

MÍKPƆ VIDEO CI YÍ NYI ÈDRA DO ÐƐ NƆ JƆJƆMƐFƆKUA?, KEŊ AÐO NYƆBIƆSE CIWO MÌAKPƆ YƐ ŊCI:

• 

  Lé mìadra do ɖɛ le gbɔngbɔnmɛ nɔ jɔjɔmɛfɔku ɖeɔ?

• 

  Nyi yí taɖo ele veviɖe mɔ. . .

  • mìɖo akpɔtɔ anɔnɔ kacaca mɛ koɖo hamɛmɛshinshinwo doŋkɔ nɔ jɔjɔmɛfɔku ɖe, yi hwenu koɖo yi goduɔ?

  • mìɖo adra godu ɖeka ci mɛ enuveviwo anɔ do ɖɛɔ?

  • mìabu tamɛ kpɔ so jɔjɔmɛfɔku ciwo yí atɛnŋ ajɔ le fini mìle koɖo lé mìawa nu do le wo mɛ nuɔ?

• 

  Enu amɛtɔn ciwo mìatɛnŋ awa asɔ kpedo mɛ ciwo ji jɔjɔmɛfɔku ɖe jɔ do nuɔ?

BIƆ EOÐEKI SE MƆ, ‘Nyiwo yí ŋkpla le corona dɔbamɛ cɛ hwenu le lé nadrado ɖɛ doɔ?’