Nukplamu ciwo yí le Samiɛli gbenɔnɔ mɛ

Samiɛli kpɔtɔ nɔ gbeji nɔ Yehowa le yi gbe pleŋ mɛ. Ci enyi ɖevihwɛɔ, égbe mɔ yedawa nu shigbe Finexasi koɖo Xofuni ciwo yí nyi Eli viwo hannɛ o. (1 Samiɛli 2:22-26) Samiɛli kpɔtɔ shinkɔ yí Yehowa kpɔtɔ le koɖi. (1 Samiɛli 3:19) Ci evashin yí eviɛwo gbe mɔ yewodase tonu can ɔ, ékpɔtɔ wawa do Yehowa sewo ji.—1 Samiɛli 8:1-5.

Nyi mìatɛnŋ akpla le Samiɛli kpɔwɛ lɔ mɛɔ? Nɔ jajɛ ènyi yí totoɔ cukaɖawo mɛɔ, kando ji mɔ Yehowa mɔŋje cukaɖa lɔwo mɛ yí nya lé ewawa do nɔ eo mɛ. Átɛnŋ akpedo eo nu yí nagbedɔn. (Ezai 41:10, 13) Nɔ ènyi vida alo vinɔ ci yí evi ɖe gbe tonu mase nɔɔ, enu ci yí jɔ do Samiɛli ji gan yí ekpɔtɔ nɔ gbeji nɔ Yehowa afa akɔn nɔ eo. Datɛnŋ aʒin eviɛ xoxu lɔwo ji mɔ wo le nɔ gbeji yí awa do Yehowa sewo ji o. Ci etashi nyɔ lɔwo do Yehowa lɔwo mɛɔ, ékpɔtɔ nɔ gbeji yí do jijɔ nɔ Dalɔ Yehowa ci yí le jeŋkwimɛ. Taŋfuin, kpɔwɛ ci èɖokɔ akpedo vio lɔ nu atrɔva Yehowa gbɔ.

MÍKPƆ VIDEO CI YÍ NYI KPLA NU SO WO GBƆ—SAMIƐLI, KEŊ AÐO NYƆBIƆSE CIWO MÌAKPƆ YƐ ŊCI:

• 

  Lé Samiɛli dasɛ dɔngbegbe do hwenu enyi ŋsuvihwɛɔ?

• 

  Lé Dani dasɛ dɔngbegbe doɔ?

• 

  Lé Samiɛli ɖo kpɔwɛ nywi ɖɛ do hwenu eshin ɔ?

• 

  Lé Dani dalɔ koɖo nɔlɔ ɖo kpɔwɛ nywi ɖɛ doɔ?