Jinɔ nunya kpɔ le JW.ORG ji gbeshiagbe

Mawu Nyɔ lɔ dra mì do ɖɛ nɔ mìato cukaɖawo mɛ le ŋkeke sɛnŋ kpɛtɛkpɛtɛ cɛwo mɛ. (2Tim 3:1, 16, 17) Ele ahan gan hweɖewonuɔ, mìatɛnŋ aʒan kpekpedonu gbɔxwe akpɔ Bibla gɔnmɛɖose ciwo yí sɔ nɔ mìwo nɔnɔmɛ lɔ teŋ. Le kpɔwɛ mɛ, ènyi jila ci yí jijiɛ nukplamu ciwo àsɔ hɛn ao viwoa? Ènyi jajɛ ci wododoɔ xɔse kpɔ nɔa? Ènyi mɛ ci asu alo ashi ku nɔ ci yí seseɛ vevia? Àkpɔ Bibla mɛ gɔnmɛɖosewo so cukaɖa ɖekaɖeka nu le jw.org ji yí woakpedo eo nu.—Elo 2:3-6.

Le jw.org jiɔ, yi akpaxwe ci yí nyi BIBLA MƐ NUKPLAMUWO. (Kpɔ foto 1.) Sɔ akpaxwe ci yí kan eo le enuŋwlɛŋwlɛ ciwo yí to mɛ. Alo sɔ WEMAWO > ENYƆCI CIWO YÍ LI EÐEKPLƆÐEDO yí asɔ akpaxwe ci yí kan eo. (Kpɔ foto 2.) Àtɛnŋ akpɔ akpaxwe ɖekɛŋmɛ lɔwo le JW Library^®a ji. Eji atɛnŋ ajɔ eo nɔ èhlɛnnɔ nyɔta vovovo ciwo yí le akpaxwe cɛwo mɛ kpɔ. Emɔ bu yí nyi mɔ àzan enujijikpɔ tɔxu le jw.org ji yí asɔ ji enyɔ ɖe koŋ kpɔ.

Ŋwlɛ enyɔ ciwo yí gbɔgbɔ do enujijikpɔ tɔxu yí aŋwlɛ nyɔta ciwo èji mɔ yeahlɛn da ɖɛ.

• Eviwo hɛnhɛn

• Enulolokpɔ jajɛwotɔ

• Asu alo ashi ku nɔ amɛ