Gbe dɔn ato eho cukaɖawo mɛ

Agbenɔnɔ le ŋkeke kpɛtɛkpɛtɛwo mɛ ɖɔ koɖo cukaɖawo. Ci mìyikɔ vɔvɔnu nɔ xexe cɛɔ, kankandoji li mɔ cukaɖa lɔwo asɛnkɔŋ doji. Hweɖewonuɔ, ŋcilanmɛnu ɖewo tɛnŋ wudo mì. (Xab 3:16-18) Nyi yí akpedo mì nu mìagbe dɔn ato eho cukaɖawo mɛɔ? Ele mɔ mìakpɔtɔ aɖokɔŋ do mìwo Mawu Yehowa nu. Éɖo gbe mɔ yeale bu nɔ ye sɛntɔwo yí atɛnŋ ana mì ŋci yí ʒan mì le nɔnɔmɛ ɖekpokpui mɛ.—Eha 37:18, 19; Ebre 13:5, 6.

Ŋciwo àsɛnŋ awa:

• Biɔ Yehowa mɔ le na ye mɔdasɛnamɛ, nunya yí akpedo ye nu.—Eha 62:8

• Lɔn faa yí awa dɔ ci yí taŋfuin dewa kpɔ o.—g 1/10 8-9, dakavi lɔwo

• Kpɔtɔ awanɔ gbɔngbɔnmɛdɔwo. Ðewo yí nyi Mawu Nyɔ lɔ hlɛnhlɛn ŋkeke ɖeka duu, hamɛ lɔ bɔbɔwo yiyi koɖo kunuɖeɖedɔ lɔ wawa

MÍKPƆ VIDEO CI YÍ NYI CU AXWE CI YÍ ANƆ TE GOGWIÐE—“ENU CIWO YÍ LE MÍ SHI KAKAƐ LE JEŊ NƆ MÍ,”: KEŊ AÐO NYƆBIƆSE CIWO MÌAKPƆ YƐ ŊCI

• Cukaɖa ciwo xomu ɖewo do goɔ?

• Nyi yí nyi enuvevitɔ le agbe mɛɔ?

• Lé mìawɛ akpedo mɛ ciwo yí tokɔ eho cukaɖawo mɛ nuɔ?