KRISTOTƆWO GBENƆNƆ
Yehowa kpenɔdo mì nu le mìwo cukaɖawo mɛ
Le ŋkeke kpɛtɛkpɛtɛ cɛwo mɛɔ, mìtokɔ cukaɖa sɛnŋsɛnŋ sugbɔ mɛ. Hweɖewonuɔ, atɛnŋ awa nɔ mì mɔ, mìwo cukaɖa lɔ sɛnŋ keke yí wugan mì. Ele ahan gan, nɔ mìkpɔtɔ yí gogokɔ Yehowaɔ, ákpedo mì nu mìado ji nɔ cukaɖa lɔwo gbesɛnŋ do ɖe can. (Ezai 43:2, 4) Lé mìawɛ ate gogo Yehowa nɔ mìtokɔ cukaɖawo mɛɔ?
Gbedoɖa. Nɔ mìnu nyɔ ciwo pleŋ yí le mìwo ji mɛ nɔ Yehowaɔ, ána mì fafa koɖo ŋsɛn ci mìasɔ do ji.—Fili 4:6, 7; 1Tɛs 5:17.
Bɔbɔwo. Hweyɛnu taŋ yí mìʒan gbɔngbɔnmɛŋɖuɖu koɖo ehadodo nywiwo sɔwu. Yehowa nanɔ ŋcɛwo mì to mìwo bɔbɔwo ji. (Ebre 10:24, 25) Nɔ mìdranɔ do nɔ hamɛ lɔ bɔbɔ lɔwo yí yinɔ wo yí gbenanɔ ɖoŋciwoɔ, Yehowa gbɔngbɔn kɔkɔɛ akpedo mì nu haan.—Enyɔ 2:29.
Kunuɖeɖe. Anɔ fafɛɖe nɔ mì mɔ mìwo susu anɔ enunywiwo ji, nɔ mìwa ŋciwo pleŋ mìatɛnŋ awa keŋ akpɔtɔ aɖekɔ kunu. Mìado ŋsɛn exlɔnyinyi ci yí le gblamɛ nɔ mìwo koɖo Yehowa koɖo mìwo kpena ciwo yí bɔ wakɔ dɔ lɔ.—1Kor 3:5-10.
MÍKPƆ VIDEO CI YÍ NYI YEHOWA AXƆ EO KEŊ AÐO NYƆBIƆSE CIWO MÌAKPƆ YƐ ŊCI:
Nyi yí kpedo Malu nu yí egogo Yehowa hwecinu etokɔ cukaɖawo mɛɔ?
Shigbe Malu nɛ ɖe, lé nyɔ ciwo yí le Ehajiji Wema 34:18 mɛ atɛnŋ do ŋsɛn mì le cukaɖawo hwenu doɔ?
Lé ŋci mɛ Malu to dasɛ mɔ Yehowa nanɔ mì ŋsɛn ci yí “so Mawu gbɔ” hwenu mìtokɔ cukaɖawo mɛɔ?—2Kor 4:7