Àtɛnŋ Akpedo Ao Xomu Nu Yí Akpɔnɔ Jijɔ Doji

Yehowa ji mɔ xomuwo le kpɔnɔ jijɔ. (Eha 127:3-5; Ŋun 9:9; 11:9) Vɔ agbe mɛ cukaɖawo, afɛn ciwo mìwo xomumɛtɔwo wa atɛnŋ adɔ yí mìabu mìwo jijɔkpɔkpɔ. Nyi xomu lɔ mɛ tɔ ɖekaɖeka atɛnŋ awa yí ana jijɔ anɔ xomu lɔ mɛɔ?

Ŋsu ɖo abunɔ ashiɛ. (1 Piɛ 3:7) Ázannɔ gamɛ do nu. Ŋsu lɔ ɖo akpedo nyɔnu lɔ nu nɔ amɔŋje ŋci eɖo awa mɛ yí adonɔ akpe ni nɔ ŋci ewakɔ nɔ yɛ koɖo xomu lɔ. (Kol 3:15) Éɖo adanasɛ ni mɔ yeluin yí agbekannɔfui.—Elo 31:28, 31.

Nyɔnu lɔ ajinɔ emɔ ci ji ato keŋ akpenɔdo asuɔ nu. (Elo 31:12) Ábubɔnɔ yiɖeki ni yí awanɔ nu alɔlealɔmɛ koɖi. (Kol 3:18) Éxonɔ nuxu nɔ asuɔ koɖo gbe mɛ fafa yí gbenunɔ yi nyɔ nywi.—Elo 31:26.

Jilawo zannɔ gamɛ do wowo viwo nu. (2Ese 6:6, 7) Wonunɔ nɔ wowo viwo mɔ yewolɔn wo. (Matie 3:17) Wosɔnɔ lɔnlɔn koɖo nugɔnmɛsese sɔ nanɔ kpla wo.—Efe 6:4.

Ðeviwo shinɔ wowo jilawo yí gbeɖonɔ to wo. (Elo 23:22) Wonunɔ wowo susuwo koɖo lé enu wakɔ do nɔ wo nɔ wowo jilawo. Wolɔnnɔ do ekpla ci wowo jilawo nanɔ wo ji yí gbebunɔ wo.—Elo 19:20.

MÍKPƆ WADASƐ VIDEO CI YÍ NYI MÍNA NƆ JIJƆ ANƆ MÍWO XOMU MƐ, KEŊ AÐO NYƆBIƆSE CI MÌAKPƆ YƐ ŊCI:

Nyi mɛɖekaɖeka awa nɔ jijɔ anɔ xomu lɔ mɛɔ?