Zannɔ Gɔnmɛjexu JW.ORG tɔ le ao Kunuɖeɖedɔ lɔ mɛ

Nyɔtawo koɖo videowo le gɔnmɛjexu nɔ mìwo siti lɔ, ciwo akpedo mɛ ciwo yí sɔ ɖe le ji nyɔnɔnwitɔ nu. (Edɔ 13:48) Àkpɔ enyɔjɔjɔ yoyu ciwo nu amɛwo xokɔ nuxu so le nɔ.

Lé àzan gɔnmɛjexu jw.org tɔ le kunuɖeɖedɔ lɔ mɛ doɔ?

• Yinɔ siti lɔ ji blaŋblaŋ. Kpɔ enuyoyu ci yí ze le ji keŋ abu tamɛ kpɔ so lé àwɛ azin asɔ kpedo mɛ ci yí sɔ ɖe le ji nu. (Nɔ àgbekpɔ nyɔta ciwo nu woxo nuxu so vayi yɛ le gɔnmɛjexu lɔɔ, ʒin “kpɔ nubuwo” ji.) Nɔ èkpɔnɔ enuyoyu ci yí tonɔ le siti lɔ ji kakaɔ, àkpɔ enuyoyu ciwo nu àxo nuxu so le kunuɖeɖedɔ lɔ mɛ.

• Zannɔ nyɔta koɖo video ciwo yí le gɔnmɛjexu lɔ yí asɔ tɔ seŋ kankan koɖo amɛwo. Woatɛnŋ akpedo eo nu nanya enu ciwo mìwo nyigbanmama mɛ tɔwo bukɔ kpɔ ciwo nu àtɛnŋ axo nuxu so nɔ wo.

• Dasɛ gɔnmɛjexu lɔ nɔ amɛwo. Dre nyɔta vevi lɔwo mɛ nɔ wo yí adasɛ lé woawɛ ayi siti lɔ ji nɔ wo.

• Sɔnɔ ekan lɔ ɖaɖa amɛwo. Mɛɖewo dejinɔ mɔ yewoakan seŋ koɖo mì o, vɔ wolɔnnɔ mɔ yewoayi mìwo siti lɔ ji. Ŋgbexo nu kpɔ gbɔxwe asɔ gɔnmɛjexu, nyɔta alo video ɖe kan ɖaɖa mɛ ci yí sɔ ɖe le ji o.