Lé Woakpla Nu Do

Lé Àwɛ Akpla Nu Sugbɔ So Yehowa Nɔnɔmɛwo Nu

Nɔ mìhlɛnkɔ Biblaɔ, mìatɛnŋ azan Bibla nukplawema vovovowo yí asɔ mɔŋje enu ci mìhlɛnhlɛn mɛ. Denyi kpɔ mɔ mìase Bibla mɛ doji ɖekɛ yí dɔ mìwanɔ cɛ o, mìji mɔ mìajeshi Yehowa nɔnɔmɛ nywiwo doji ci yí adɔ mìaluinni sɔwu. Gbɔxwe mìawa cɛɔ, mìɖo abiɔ mìwoɖekiwo se mɔ, ‘Nyi yí Bibla kpukpui cɛ kplaŋ so Yehowa nuɔ?’

Mìatɛnŋ aji nu gɔnmɛ kpɔ so lé Yehowa dasɛ yi nɔnɔmɛ vevi ciwo yí nyi lɔnlɔn, nunya, jɔjɔɛnyinyi koɖo ŋsɛn do. Vɔ de nɔnɔmɛ ŋtɔ́wo ɖekɛ Yehowa ɖo nɛ o, égbeɖo nɔnɔmɛ nywi buwo. Lé àwɛ anya nu sugbɔ so nɔnɔmɛ cɛwo nuɔ?

Kpɔ nɔnɔmɛ ciwo yí wu 50 han le Index des publications des Témoins de Jéhovah mɛ. Le gɔnmɛ nɔ nyɔta ci yí nyi “Jéhovah” sɔ “Qualités par nom.” Ji nu gɔnmɛ kpɔ so nɔnɔmɛ ciwo nu yí Bibla mɛ xolɔlɔ ci èhlɛn lɔ xo nuxu so. (Nɔ enyi kpɔ mɔ wema ci yí nyi Numekuku Ŋuti Mɔfiagbalẽ Na Yehowa Ðasefowo yí le eo shiɔ, kpɔ nyɔta ci yí nyi “Yehowa Mawu” le yi goduɔ, nakpɔ gɔnmɛ nɔ nyɔta hwɛhwɛ ci yí nyi “Yehowa Ƒe Nɔnɔmewo.”)