Enusɔkeamɛ Doŋkɔ nɔ Tafɛnvɔnsa lɔ

Tafɛnvɔnsa ci Yesu sɔ yi hun sɔ cu ɖekɛ ji woato asɔ mìwo nuvɔnwo sɔ ke mì. (Efe. 1:7) Vɔ, Bibla nu mɔ : “Le jigbɔnɖɛ xɔxɔ Mawu tɔ mɛɔ. ésɔ nuvɔn ciwo wowa vayi sɔ kewo,” ci yí nyi mɔ, doŋkɔ nɔ hwenu yí Yesu vacu tafɛnvɔnsa lɔ. (Rɔm. 3:​25, NWT) Lé Yehowa wɛ yí sɔ nuvɔn ci amɛwo wa vayi sɔ ke wo doŋkɔ nɔ tafɛn lɔ, gan yí kpɔtɔ nyi jɔjɔɛnyinyi Mawuɔ?

Le Yehowa yɛ gbɔɔ, ele shigbe mɔ écu tafɛnvɔsa lɔ vɔ hannɛ hwenu yí eɖo gbe mɔ “jijimɛvi” ɖeka avahwlɛn mɛ ciwo yí ɖo xɔse do yiŋtɔ koɖo yi gbeɖuwo nu. (Gɔnm. 3:15; 22:​18, NWT) Mawu yɛ kando ji mɔ le gamɛ nywitɔ jiɔ, ye Viye akogo alɔn faa avacu tafɛn lɔ. (Gal. 4:4; Ebre. 10:​7-10) Hwenu Yesu le nyigban jiɔ, Mawu ni acɛ yí esɔnɔ nuvɔn ke amɛwo doŋkɔ gbɔxwe yí vacu tafɛn lɔ. Éwɛ ahan ɖo énya mɔ ye vɔnsa lɔ avacɔn nu do mɛ ciwo yí ɖo xɔse wo gɔjejewo ji.—Mat. 9:​2-6.