Trɔ Ato Susu Vevi Lɔwo Ji

Egbɔnnu nɔ eo kpɔ mɔ àɖo ŋwi enu ci èkplaa? Ecɛ jɔnɔ do mì pleŋ ji hweɖewonu. Nyi yí atɛnŋ akpedo mì nuɔ? Mìato susu vevi lɔwo mɛ yí abu tamɛ kpɔ so wo nu.

Nɔ èkplakɔ nuɔ, nɔnɔ te hwɛɖeka keŋ aŋwlɛnɔ susu vevi lɔwo daɖɛ. Do jeshi lé apotru Pɔlu kpedo mɛ ciwo yí eŋwlɛ yi wema lɔ ɖaɖa nu ci eŋwlɛ mɔ: “Enyɔ vevitɔ le nyɔ ciwo yí mì nukɔ mɛ yí nyi kpɔ́ mɔ́.” (Ebre. 8:1 Ezoɖuɖu Yoyu Wema.) Enyɔgbe cɛwo kpedo yi toɖotɔ lɔwo nu, womɔŋje enyɔ ciwo yí ejikɔ anu teŋ mɛ koɖo ekacaca ci yí le enyɔ lɔwo mɛ.

Taŋfuin àtɛnŋ agbe gamɛ ɖe ɖɛ le vɔvɔnu nɔ enu ci èkpla, yí abu tamɛ kpɔ so susu vevi lɔwo nu le enu ci èkpla mɛ. Nɔ detɛnŋ ɖo ŋwi woɔ, le ŋkuvi do nyɔta hwɛhwɛ alo enyɔ vevi ciwo woŋwlɛ do tɔtɔmɛ nɔ mamamɛ ɖekaɖeka yí akpedo eo nu naɖo ŋwi enu ciwo èkpla. Nɔ èkpla enu yoyu ɖeɔ, tekpɔ anui do eoŋtɔ nyɔgbewo mɛ. Nɔ ètrɔ yí totoɔ susu vevi lɔwo mɛɔ, denyi ɖo aɖo ŋwi wo kpoŋ o, vɔ agbekpedo eo nu nakpɔ lé àtɛnŋ awa do enu ciwo ekpla ji le eoŋtɔ gbe mɛ.