COVID wu agbetɔ miliɔn amadɛn—Nyɔ ci Bibla nu so nuɔ?

Xexeɛ pleŋ mɛ habɔbɔ ci yí kpɔnɔ lanmɛsɛnnyɔwo gbɔ (alo OMS) nu mɔ, vaɖo 23 mai 2022-ɔ, agbetɔ miliɔn 6 kotokun 27 yí COVID-19 dɔ̀ lɔ wu. Ele ahan gan, le 5 mai 2022-ɔ, OMS nu do nyɔtakankan yoyu ɖeka mɛ mɔ, mɛ ciwo yí COVID dɔ̀ lɔ wu hlɛnhlɛnmɛ sugbɔ sesese wu ŋtɔ́. Enu mɔ, le exwe 2020 koɖo 2021 gblamɛɔ, “mɛ ciwo yí ba COVID-19 lɔ tiin yí ku . . . koɖo mɛ ciwo yí ewu to mɔ buwo ji hlɛnhlɛnmɛ pleŋ ayi miliɔn 14 kotokun amashiɖekɛ han.” Bibla nu nyɔ ɖe so awobinu gangan cɛ ciwo yí jɔkɔ nua?

Bibla nu ɖɛ mɔ edɔ̀lele ganganwo ato yí awu amɛwo

•  Yesu nu ɖɛ mɔ, “edɔ̀lele ganganwo” ava yí edɔ̀vɔnwo alo edɔ̀bamɛwo ato le hwenu ciwo woyɔ mɔ “ŋkeke vɔvɔwo mɛ.”—Luiki 21:11, Mawu Nyɔ; 2 Timɔte 3:1.

Enyɔ ci Yesu nu ɖɛ lɔ yí jɔjɔ gbɛ. Nɔ àse nubuwo mɛɔ, hlɛn nyɔci ci yí nyi, “Nu Kae Nye ‘Ŋkeke Mamlɛawo’ Alo ‘Nuwuɣi’ La Ƒe Dzesi?”

Bibla fanɔ akɔn nɔ amɛ

•  “Mawu nɔ akɔnfafawo keŋkeŋ . . . fanɔ akɔn nɔ mì le mìwo xaxawo pleŋ mɛ.”—2 Korɛntitɔwo 1:3, 4.

Mɛ ciwo yí amɛ veviwo ku nɔ sugbɔtɔ kpɔ akɔnfɛ le Bibla mɛ ŋɛdu lɔ mɛ. Kpɔ nyɔci ci yí nyi “Ale Si Nàwɔ Anɔ Te Ðe Nuxaxa Nu—Nu Si Nàte Ŋu Awɔ Egbea.”

Bibla nu ŋci yí avakpɔ nu lɔwo gbɔ yí avɔ

•  ‘Ao Fyɔɖuxu le va. Ao dro le nyi wawa le nyigban ji shigbe lé hanci yí enyi wawa le jeŋkwi mɛ nɛ.’—Matie 6:10.

Sabaɖe yɛɔ, ‘Mawu Fyɔɖuxu’ lɔ awɛ yí “Amɛɖekpokpwi da nu mɔ, ‘Ŋble’” o (Maki 1:14, 15; Ezai 33:24) Kpɔ video ci yí nyi Nyi yí Mawu Fyɔɖuxu nyiɔ? Keŋ akpɔ enu ci jeŋkwi mɛ cɛkpakpa cɛ nyi koɖo enu ciwo avawa.

Mìji mɔ eo koɖo ao xomu le kpla nubuwo doji kuso nyɔ ciwo Bibla nu lɔwo nu yí aɖu le nɔ nunya ci yí le mɛ koɖo yi gbeɖu nywi lɔwo.