Esejimawado Vabɔ—Enyɔ Ci Bibla Nu So Nuɔ?

Flafinɔ ganganwo wakɔ tamɛsɛnnuwo le Haïti. Edanuwawa dadahɛn nu le Afrique du Sud, Mexique koɖo Amérique latine ju buwo mɛ. Finiwo tamɛsɛnnuwawa ɖekpɔtɔ le can ɔ, amɛwo devo le wowoɖekiwo mɛ o, ɖo mɛɖewo finɔ enuwo, gbannɔ axwewo koɖo dɔwaxuwo alo tɔnɔ zo wo.

Enyɔ ci Bibla nu so esejimawado ci yí vasukɔgbɔ doji le xexeɛ mɛ nuɔ?

Enyɔ ci Bibla nu ɖɛ so esejimawado nu

Bibla nu ɖɛ mɔ esejimawado anyi jeshi ɖeka ci yí adasɛ mɔ mìle “xexe lɔ vɔvɔɛnu.” (Matie 24:3) Ci Yesu drekɔ lé enu lɔwo ajɔ doɔ, énu mɔ:

• “Le esejimawamawa gbɔsusu ŋciɔ, amɛ sugbɔ lɔnlɔn aci.”​—Matie 24:12, NWT.

Bibla nu ɖɛ hɛnnɛ mɔ “le ŋkeke vɔvɔwo” mɛɔ, “amɛwo da ɖu wowoɖeki ji o. Amɛ a donɔ dɔmɛzi, yí a wanɔ evu, yí a ve xomɛ do enunywiwo nu.” (2 Timɔte 3:1-5) Amɛɖekɛtɔjiji nɔnɔmɛ cɛwo yí hɛnkɔ esejimawado le egbɛ mɛ.

Ele ahan han esɔ mɛ anyɔ. Bible ɖo gbe mɔ dajinjin o, esejimawado avɔ keŋkeŋ.

• “Le azan kpui ɖe mɛɔ, amɛ vɔn ɖewo dagbe li o. Etɛnŋ ji amɛ hunnɔwo kpɔ, vɔ wo pleŋ wodagbe li o. Amɛ ciwo hwe wowoɖekiwo kpɔtɔ axɔ Mawu gbeɖu nyigban. Woagbe xɔ fafa.”​—Ehajiji Wema 37:10, 11.

Kpɔ nubu ciwo Bibla nu so es mɛ mɔkpɔkpɔ nu koɖo enu ci yí taɖo mìatɛnŋ akando ji mɔ egbɛ mɛ nujɔjɔwo nyi nyɔ ciwo Bibla nu ɖɛ. Kpɔ nyɔci ciwo yí gbɔgbɔ.

“Une espérance réelle pour des jours meilleurs”

“Nu Kae Nye “Ŋkeke Mamlɛawo” Alo “Nuwuɣi” La Ƒe Dzesi?”

“La Bible a-t-elle prédit la mentalité et la conduite des gens de notre époque ?”