KRISTOTƆWO GBENƆNƆ
Wa nu shigbe Ӡozɛfu nɛ: Shi nɔ gbɔdɔndɔn masɔkoɖose
Ӡozɛfu ɖo kpɔwɛ nywi ɖeka ɖɛ nɔ mì nɔ mìvakpan ŋkɔ gbɔdɔndɔn masɔkoɖose tetekpɔ. Gashiagamɛ yí yi xwetɔ shi tenɔkpɔ mɔ yeabli nɔ yɛadɔn ye gbɔ, vɔ égbe kpeŋ. (Gɔnm 39:7-10) Énu ni mɔ: ‘Lé nawɛ ada ale gangan cɛ yí awa nuvɔn do Mawuɔ?’ Enyɔ cɛ ci Ӡozɛfu nu dasɛ mɔ énya xoxoxo mɔ, Yehowa dro yí nyi mɔ asu koɖo ashiwo le nɔ gbeji nɔ wowonɔnɔwo. Ecɛ kpedo nu hwecinu evakpan ŋkɔ gbɔdɔndɔn masɔkoɖose tetekpɔ. Éshi, yí delɔn yí nyɔnu lɔ dahɛn gbeta ci esɔ mɔ yeawa nunywi mɛ o.—Gɔnm 39:12; 1Kor 6:18.
MÍKPƆ VIDEO CI YÍ NYI SHI NƆ GBƆDƆNDƆN MASƆKOÐOSE, KEŊ ANA ÐOŊCI NƆ NYƆBIƆSE CIWO YÍ GBƆGBƆ:
Nyi yí jɔ do Ӡaki jiɔ?
Enyɔ ci Ӡaki biɔ yiɖeki se hwecinu Enyɔvi mɔ yɛakpedo ye nu le kɔnŋtadɔ ɖeka ci yí gbɔngbɔnnu ni mɛɔ?
Lé kpekpedonu ci Enyɔvi biɔ Ӡaki trɔ susu ni doɔ?
Lé wokpedo Ӡaki nu doɔ?
Nyi yí Ӡaki wa keŋ yí shi nɔ gbɔdɔndɔn masɔkoɖoseɔ?
Nyiwo èkpla le video cɛ mɛɔ?