Àtɛnŋ aɖe kunu yí akpla nu amɛwo!

Hwenu Yehowa nu nɔ Moizi mɔ yi le wa dɔ ɖekaɔ, Moizi kpɔɛ mɔ yedasun ji awa dɔ lɔ nywiɖe o. (Hun 4:10, 13) Ewa ahan nɔ eo kpɔa? Yehowa Kunuɖetɔwo kplakɔ nu koɖo eo yɔa? Èbiɔkɔ eoɖeki se mɔ, keke yeavasun ji aɖe kunu so axomɛ yi axomɛ kpɔ maa? Alo taŋfuin ènyi jajɛ yí vɔnvɔn nɔ kunuɖeɖe le suklu, alo nɔ jugbajakunuɖeɖe ɖewo alo nɔ kunuɖeɖe to telefonu ji. Do gbe ɖaɖa nɔ Yehowa yí abiɔ gbɔngbɔn kɔkɔɛ yi. (1 Piɛ 4:11) Kando ji mɔ yɛakpedo ye nu le edɔ ɖekpokpui ci amɔ eo le wa mɛ.—Hun 4:11, 12.

MÍKPƆ VIDEO CI YÍ NYI NYI EDƆNGBETƆ NƆ ÈNYI . . . EŊƐNYWIDRATƆ, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• Cukaɖa ci mɛ nɔvinyɔnu Aoyama toɔ?

• Nyi yí kpedo nu esɛnŋ yí gbe dɔn ɔ?—Ʒer 20:7-9

• Ci eje agbla yí wa sugbɔ le Yehowa sumɔsumɔdɔ lɔ mɛ ɖe, nyɔna ci ekpɔ le mɛɔ?

• Cukaɖa ciwo mɛ Yehowa atɛnŋ akpedo eo nu le le kunuɖeɖedɔ lɔ mɛɔ?