Egbemɛ trɔtrɔ

Elododo Wema 8:​4, 7

SUSU VEVI LƆ: Na nɔ susu lɔwo aze petii, trɔ ejiyiyimɛ, ɖyiɖyimɛ koɖo sɔsɔmɛ nɔ ao gbe nɔ awa dɔ do amɛwo ji.

LÉ ÀWƐ DO:

• Trɔ ejiyiyimɛ nɔ ao gbe. Kɔ gbe yi ji yí asɔ tɛ gbe do susu veviwo ji alo asɔ do zo lanmɛ nɔ ao nyɔsetɔwo. Wɛ ahan hɛnnɛ nɔ èhlɛnkɔ Bibla mɛ kojoɖonyɔwo. Bubɔ gbemɛ yí ana ao nyɔsetɔwo akpɔ mɔ nɔ ŋɖe alo nɔ èxokɔ nuxu so enu ci ado vɔnvɔn alo ana woabu tamɛ kpɔ nu.

• Trɔ ɖyiɖyimɛ nɔ ao gbe. Nɔ wowɛni le míwo gbe mɛɔ, na nɔ ɖyiɖyimɛ nɔ ao gbe asɛnŋ keŋ asɔ dasɛ zolelanmɛ. Wɛ ahan hɛnnɛ nɔ èjikɔ adre ganganmɛ alo jinjinmɛ nɔ ŋɖe. Nɔ èxokɔ nuxu so ŋshishi alo enulolokpɔ nyɔwo nuɔ, ao gbemɛ ŋgbesɛnŋ o.

• Trɔ sɔsɔmɛ nɔ ao gbe. Xo nuxu kabakaba nɔ èjikɔ ado zo lanmɛ nɔ enyɔsetɔwo. Vɔ nɔ èɖo nyɔ veviwo jiɔ, ŋgbelɔ ju o.