Edɔjikpɔha mɛ tɔ yoyu ɖeka

LE Mercredi 24 janvier 2018 nyidinmɛɔ, betɛlixomu ciwo yí le Etats-Unis koɖo Canada se nunɔwoase dojijɔnamɛ vevi ɖeka: Nɔviŋsu Kenneth Cook, Jr., trɔ Yehowa Kunuɖetɔwo dɔjikpɔha mɛ tɔ ɖeka.

Woji nɔviŋsu Cook le Pennsylvanie, Etats-Unis, hunnɔ yí eshin le nɛ. Ékpla nyɔnɔnwi lɔ le yi kpena sukluvi bu gbɔ, dejinjin o yí exɔ baki. Éwa ʒinʒindoshimɛ le 7 juin 1980. Étɔ gashiagamɛ sumɔsumɔdɔ lɔ ji hwecinu etrɔ gashiagamɛ mɔɖetɔ le 1^er septembre 1982. Le exwe ve goduɔ, woyɔɛ le Betɛli, yí etɔ edɔ wawa le Wallkill, New York le 12 octobre 1984.

Le exwe 25 ciwo yí vakplɔɛ do mɛɔ, nɔviŋsu Cook wa dɔ vovovowo le wemawo taxu koɖo Betɛli xomu jikpɔgbɛdɔwaxu. Yɛ koɖo Jamie ɖe nɔnɔ le exwe 1996 mɛ, yí ashiɛ can tɔ edɔ wawa le Wallkill Betɛli. Le décembre 2009 mɛɔ, wosɔ nɔviŋsu koɖo nɔvinyɔnu Cook ɖaɖa Watchtower Nukplaxu gangantɔ le Patterson, New York, fini yí womɔ nɔviŋsu lɔ le wa dɔ le Wemaŋwlɛnŋwlɛn ɖaɖa amɛ dɔwaxu. Ci nɔviŋsu koɖo nɔvinyɔnu Cook trɔva Wallkill Betɛli dejinjin ɔ, wosɔ wo ɖaɖa Brooklyn, New York le avril 2016 mɛ. Le wleci amatɔn goduɔ, wosɔ wo ɖaɖa mìwo dɔwaxu gangantɔ ci yí le Warwick, New York. Le janvier 2017 mɛɔ, womɔ nɔviŋsu Cook le kpedo Edɔjikpɔha lɔ Wemaŋwlɛnŋwlɛn dɔwaxu nu.