Башкару јӧптиҥ самаразы

Иегованыҥ кару ишчизи!

Иисус: «Чындыкты билип аларыгар, чындык бойы слерди јайымдаар» — деп айткан эди (Иоанн 8:32). Кандый кӧдӱриҥилӱ сӧстӧр! Бӱгӱнги уур-кӱч «калганчы кӱндер» тӧгӱнле толуп калган да болзо, чындыкты билип алатан арга бар (2 Тимофейге 3:1). Кудайдыҥ Сӧзиндеги чындыкты баштапкы катап укканыҥ санааҥга кирет пе? Сен оны качан да ундыбас болорыҥ!

Чындыкты чике билеери ле оны улуска јаантайын куучындаары јаан учурлу да болзо, је чындык аайынча јӱрери база јаан учурлу деп ундыбас керек. Мынайып јӱрерге, бойысты Кудайдыҥ сӱӱжинде чеберлеер керек. Канайып? Бу сурактыҥ каруузы Иисустыҥ божоор алдында элчилерине айткан сӧстӧринде бичилген: «Мениҥ јакылталарымды бӱдӱрип јӱрер болзогор, Мениҥ сӱӱжимде јӱреригер. Анайып Мен де... Адамныҥ јакылталарын бӱдӱрип, Оныҥ сӱӱжинде јӱрӱп јадым» (Иоанн 15:10).

Иисус Адазыныҥ јакылталарын бӱдӱргенинеҥ улам Кудайдыҥ сӱӱжинде арткан. Биске де анайып эдер керек. Кудайдыҥ сӱӱжинде артарга, бис кажы ла кӱн чындык аайынча јӱрер учурлу. Иисус божоор алдында эҥирде: «Слер мыны билип, эдип турган болзогор, кежиктӱ болгоныгар ол» — деп база айткан (Иоанн 13:17).

Бу бичик сеге оноҥ ары чындыкта јӱрерге ле бойыҥды Кудайдыҥ сӱӱжинде чеберлеерге болужар деп, акту кӱӱнистеҥ иженип јадыбыс. Бу јакылталарды бӱдӱрип јӱргениҥ, сени ӱргӱлји јӱрӱмге экелер (Иуданыҥ самаразы 21).