Кайраканныҥ Эҥирин байрамдаар ӧйдиҥ туркунына сен Иегова ла Иисустыҥ јӱткӱп турарына тӱҥейлежериҥ бе?
1. Нениҥ учун Иегованыҥ Керечилери Эҥирди байрамдаар ӧйдӧ јарлаар ишке оноҥ кӧп туружарга албадангылайт?
1 Иегова бойыныҥ сананганын бӱдӱрип, јӱткӱп турарын кӧргӱзет. Кудайдыҥ Каандыгы экелетен алкыштардыҥ кезиги Исаия 9:7 бичилген: «Мыны јуучылдарыныҥ Кудайы Иегованыҥ јӱткӱп турары эдер». Анайып ла Кудайдыҥ Уулы јерде јӱрерде чындык бажырышка сӱреен тыҥ јӱткӱп турарын кӧргӱзер болгон (Иоан. 2:13—17; 4:34). Кажы ла јыл Эҥирди байрамдаар ӧйдӧ, бастыра јердиҥ ӱстине миллиондор тоолу јарчылар јарлаар ишке оноҥ кӧп туружарга албадангылайт. Сен олордыҥ тоозына болорыҥ ба?
2. Бис тулаан айдыҥ 14-чи кӱнинеҥ ала нени јӱткӱп эдерис?
2 Эҥирдеҥ озо ӧдӧр кампания. Бу јылда Эҥирге кычыратан кампания тулаан айдыҥ 14-чи кӱнинде субботтоҥ ала башталар. Јарлар ишке јӱткӱп туружарга эмдештеҥ ле сананып кӧр. Јуунныҥ јерин бастыра ӧдӱп салар арга бар болзо, јарчылар кӧдӱриҥилӱ албаданып иштенерге кичеенгилер. Сен Агару Бичикти ӱредип турган улустарды, такып барып турган улустарды, анайда ок кожо иштеп тургандарды, тӧрӧӧн-тугаандарды ла школдо кожо ӱренип тургандарды кычырарга албадан. Олорго кычыртуны артыргызып саларга јараар эмезе интернет-ресурска ајару эдерге јараар.
3. Тулаан ла кандык айларда јарлаар ишти канайып тыҥыдарга јараар?
3 Подсобный пионердиҥ ижи. Јарлаар ишке кӧптӧдӧ туружарга бисти јӱткӱп турары кӱӱнзедер. Тулаан ла кандык айларда јарчылардыҥ кӧбизи подсобный пионердиҥ ижин баштаар деп, алаҥзу јок, не дезе бу айларда 30 саат бӱдӱрерге јараар. Бу керегинде билелик бажырышта эмезе таҥынаҥ ӱренер ӧйдӧ мӱргӱӱлде шӱӱп кӧрӧргӧ јараар (Укаа 15:22). Сениҥ кампанияга туружарга тыҥ кӱӱнзегениҥ ӧскӧ јарчыларды јӱткӱп иштеерине кӱӱнзедер аргалу. Айалгаларды солуп, эрчимдӱ иштезеҥ, сен Иисустыҥ јӱткӱп турганы чылап јӱткӱгениҥди кӧргӱзериҥ (Мар. 6:31—34).
4. Бис Иегова ла Иисустыҥ јӱткӱп турганына тӱҥейлежип турзас, кандый алкыштар аларыс?
4 Эҥирдиҥ ӧйи тужында Иегова ла Иисустыҥ јӱткӱп турарына тӱҥейлежип турзас, бис кӧп алкыштар аларыс. Бистиҥ јерде кӧп улус кере алар. Бис Иеговага иштеп, ӧскӧ улуска болужып турзас, сӱӱнчилӱ ле јакшы сезимдерлӱ болорыс (Апос. иж 20:35). Је эҥ ле артыгы — бис јӱткӱп турган Кудайысты ла Оныҥ Уулын сӱӱндирерис.