Јарлаар иште эжикти бала ачкан болзо

Јарлаар иште эжикти бала ачкан болзо, оны ада-энезин айдып ийзин деп сураар керек. Анайып, бис олордыҥ биледеги јаҥын тооп турганысты кӧргӱзерис (Ука 6:20). Бала бисти кирзин деп кычырза, кирбес керек. Ада-энези айылда јок болзо, ӧскӧ ӧйдӧ келер керек.

Эжикти 12—16 јашту бала ачкан болзо, темдектезе јаан класстардыҥ балазы, тӱҥей ле ада-энезин айдып ийзин деп сураар керек. Айылда јок болзо, ада-энези ого нени кычыратанын бойы талдаарын јарадып турган ба деп сураарга јараар. Јарадып турган болзо, бистиҥ бичиктерди берерге јараар.

Јилбиркеген балага такып келген болзос, бисти ада-энезиле таныштырып ийзин деп сураар керек. Анайып бис олорго кандый амадулу келгенисти јартап берерис ле Агару Бичиктиҥ билелерге берген јӧптӧриниҥ тузазын кӧргӱзип берерис (Ср 119:86, 138). Ада-энезине мынайып тоомјылу баштанганы ла ајару эткени јакшы кере болор. Анайда ок сӱӱнчилӱ јарды билениҥ ӧскӧ дӧ улузына јарлаар арга болор (1Пт 2:12).