«Иегованыҥ јарадузыныҥ јылын» јарлагар

«Иегованыҥ јарадузыныҥ јылы» бир јылды темдектебей јат

61:1, 2

• Иегова бу ӧйдӧ јобош улуска јайым керегинде јарды угатан арга берет.

• Баштапкы чакта «јарадуныҥ јылы» 29-чы јылда, Иисус Христос јарлап баштаарда башталган. Бу ӧй 70-чи јылга јетире улалган. Бу јылда, Иегованыҥ «ӧч алар кӱнинде», Иерусалим јоголтылган.

• Бистиҥ ӧйдӧ «јарадуныҥ јылы» 1914 јылда, Иисус теҥериде Каан болуп отурганынаҥ ала башталган. Бу ӧй улу тӱбек келзе божоор..

Иегова Бойыныҥ албатызына «чындыктыҥ јаан агаштарын» берет

61:3, 4

• Јердиҥ ӱстинде эҥ бийик агаштар, кӧп сабада, јыш аралда ӧзӧт. Мындый аралда агаштар бой-бойына јӧмӧлтӧ болуп, јакшы ӧзӧт.

• Олордыҥ сӱрекей бек тазылдары бой-бойына тудушталып ӧзӧр аргалу. Оноҥ улам агаштар бек болуп, јоткондордо јыгылбай јат.

• Бийик агаштардыҥ кӧлӧткӧзи јаш корболорго кору болот, тӱжӱп турган јалбырактары јерге туза экелет.

Телекейлик христиан карындаштыктыҥ улузыныҥ ончозы «чындыктыҥ јаан агаштарынаҥ» — јердеги арткан майлаткан христиандардаҥ — јӧмӧлтӧ лӧ кору алат