ХРИСТИАН ЈӰРӰМ
Агару Бичиктиҥ тереҥ шиҥдеечизи болорго, нени эдер керек?
Кудайга, Даниил чилеп, тыҥ бӱдерге кӱӱнзейдиҥ бе? Даниил Кудайдыҥ Сӧзин, ол тоодо учуры тереҥ судурлардыҥ бӱткенин кичеенип шиҥдеген (Дан 9:2). Агару Бичиктиҥ оок-теек јетирӱлерин шиҥдегени ченелтелерде Кудайга чындык артарга болужар. Канайып? Анайып шиҥдегениҥ Иегованыҥ берген сӧзине бӱдӱп турганыҥды тыҥыдар (ИсН 23:14). Анайда ок, Кудайга сӱӱжиҥди тыҥыдар. Бу сӱӱш Кудайдыҥ сӧзин кыйалта јогынаҥ угуп јӱрерине кӱӱнзедер (Ср 97:10). Је недеҥ баштаар? Мындый јӧптӧрди тузаланарга јараар.
Нени ӱренер? Таҥынаҥ јакшы ӱренерине јуунныҥ туштажуларына белетенери кирет. Агару Бичикти кажы ла неделеде кычырары тузалу болзын деп, бажалыктарда јакшы оҥдобой турган ӱлгерлерди шиҥде. Кезик јарчылар таҥынаҥ ӱренер ӧйдӧ библиялык судурларды эмезе Кудайдыҥ агару тыныныҥ тӱжӱмин тереҥжиде шиҥдегилейт, анайда ок элчи Павелдиҥ миссионер болуп јӱрген јерлерин билип аларга албадангылайт эмезе Иегованыҥ јайаандары керегинде билип аларга кӱӱнзегилейт. Сенде кӱн туркунына кандый бир сурак чыгып турза, оны бичип алып, таҥынаҥ ӱренер ӧйдӧ шиҥдеп кӧр.
Материалды кайдаҥ табар? «Ич-кӧгӱс эрјинелер бедирейтен јепселдер» деген кӧрӱлмеде јакшы јӧптӧр бар. Темдектезе, Даниилдиҥ бичигинде 7-чи бажалыгындагы судурдыҥ кажы ла тындузы нени темдектеп турганы керегинде материалды бедиреп кӧр.
Канча кире ӧйгӧ ӱренер керек? Ич-кӧгӱс јанынаҥ бек болоры улам сайын ӱренгенинеҥ камаанду. Озо баштап кыска ӧйдиҥ туркунына ӱренерге јараар, оноҥ арайынаҥ ӧйди кӧптӧдип тур. Кудайдыҥ Сӧзин ӱренгенин јажырып салган эрјинелерди бедирегенине тӱҥейлеерге јараар: канча ла кире кӧп эрјинелер табылып турза, ончо ло кире кӧп «казар» кӱӱниҥ келер! (Ука 2:3—6). Анайып, Кудайдыҥ Сӧзин оноҥ тыҥ сӱӱп баштаарыҥ ла Агару Бичикти улам сайын ӱренерине темигип каларыҥ (1Пт 2:2).
ДАНИИЛДИҤ БИЧИГИНДЕГИ 7-ЧИ БАЖАЛЫГЫНДАГЫ ТЫНДУЛАР НЕНИ ТЕМДЕКТЕЙТ?
Дан 7:4
Дан 7:5
Дан 7:6
Дан 7:7
КОЖУЛТА СУРАК:
Даниил 7:8, 24 сӧстӧр канайып бӱткен?
КЕЛЕР ТУШТА
Ачылтаныҥ 13-чи бажалыгындагы тындулар нени темдектейт?