КУДАЙДЫҤ СӦЗИНДЕГИ ЭРЈИНЕЛЕР | МАТФЕЙ 20, 21
«Ортогордо улу болойын дегенигер, слерге јалчы болзын»
Улуркак бичикчилер ле фарисейлер садуныҥ тепсеҥинде улуска уткыдарын сӱӱгендер, олорго кӧрӱмјилӱ јерде болорго јарап туратан
Улуркак бичикчилер ле фарисейлер јарлу болорго јӱткӱп, улус олорды макка чыгарып турзын деп кӱӱнзегендер (Мф 23:5—7). Иисус андый болбогон. Ол «улусты Ого јалчы болзын деп эмес, улуска јалчы болойын деп... келген» (Мф 20:28). Бис Кудайдыҥ ижинде јӱк кӧрӱмјилӱ ле мак алгадый керектерде туружарга албаданадыс па? Иегованыҥ кӧзине улу болорго, Иисус ла чылап улуска болужарга белен болор керек. Мындый иш дезе, кӧп сабада кижиниҥ кӧзине эмес, Иегованыҥ кӧзине кӧрӱнериле колбулу (Мф 6:1—4). Јобош ишчи...
Каандыктыҥ Туразын арутаарында ла јеткилдееринде туружат;
јаан јаштуларга ла болуш керексиниип тургандарга болужарга белен;
Каандыктыҥ ижине акча-јӧӧжӧзиле јӧмӧжӧт;