Билеҥди кичее

Иегова алыжып јаткан улустыҥ бой-бойына берген сӧзин сӱреен учурлу деп бодойт. Анайда ок олордыҥ билелик колбулары јӱрӱминиҥ учына јетире болзын деп кӱӱнзейт (Мф 19:5, 6). Иегованыҥ Керечилериниҥ јуундарында кӧп бек билелер бар. Је кӱчтер болбой турган билелер бӱгӱн јок. Биске биледеги уур-кӱчтердиҥ аайына чыгарга, бу телекейде јаҥжыгу болуп калган башка јадатан ла айрылыжатан кӧрӱмин алынбас керек. Христиан кижи бойыныҥ билезин канайып кичеер аргалу?

Тузалу беш јӧп кӧрӱп ийектер.

1. Бойыҥныҥ јӱрегиҥди чеберле. Билениҥ колбузын уйадаткадый ончо немедеҥ туурала. Темдектезе, флирттеҥ ле балыр керектерле колбулу соот-јыргалдардаҥ (Мф 5:28; 2Пт 2:14).

2. Кудайла најылыгыҥды тыҥыдып, сениҥ билеҥ оны сӱӱндирзин деп ончоны эдерге албадан (Ср 97:10).

3. Јаҥы кижи болорго, анаҥ ла ары кылык-јаҥыҥды солы. Эш-нӧкӧриҥди сӱӱндирерге оок-теек те немеде јалакай бол (Кл 3:8—10, 12—14).

4. Куучыныҥ тоомјылу болзын. Бой-бойыгарга јакшы сӧстӧр айдарга албаданыгар (Кл 4:6).

5. Тӧжӧктӧ бой-бойыгарга эрке ле сӱӱштӱ болугар (1Кр 7:3, 4; 10:24).

Христиан кижи билезин тооп турза, билениҥ Тӧзӧӧчизине, Иеговага, тоомјызын кӧргӱзет.

«ТАРТЫЖУНЫ „ЧЫДАМКАЙ БОЛУП“ ӦДӦЛИ. ЭЭЖИЛЕРДИ БӰДӰРИГЕР» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕРИГЕР:

• 

  Билелик јӱрӱм јакшы башталган да болзо, кандый кӱчтер болордоҥ айабас?

• 

  Билезинде сӱӱш јок деп бодоп турган улуска кандый библиялык принциптер болужар аргалу?

• 

  Эш-нӧкӧрлӧргӧ Иегова кандый некелтелер тургускан?

• Эш-нӧкӧрлӧр олордыҥ билези ырысту болзын деп нени эдер учурлу?