Иегова биске Аргадаачы берип јат

29 Кудайдыҥ эҥ озо јайаган тын, оныҥ баштапкы ла уулы болуп јат.

Кудай оны сӱрекей тыҥ сӱӱп јат. Качан јаман улусты јоголтып, сӧс-уккур албатыны артыргызып алар тушта, ол уулын тузаланар (Иоанна 3:16, 36).

30 Иегова бойыныҥ уулын јердиҥ ӱстӱндӧн ийген, ондо ол кижи болуп чыккан. Ол Иисус деп адалган. Оныҥ энезиниҥ ады Мария болгон (Луки 1:30—35).

31 Качан Иисус јаандап келерде, ол кӧп јакшыга улусты ӱреткен. Ол, јаҥыс ла Иегова чындык Кудай, деп ӱреткен (Марка 12:29, 30).

Иисус айткан, бис јаҥысла Иеговага баштанар учурлу (Матфея 4:10; Иоанна 4:23, 24). Ол анайда ок, улусты Иегованыҥ Каандыгына ӱреткен (Луки 17:20, 21).

32 Иисус оору улустарды јаскан, оноҥ дезе кӧп јакшы керектер эткен. Ол јаман неме этпеген (Деяния 10:38; 1 Петра 2:21, 22). Је канайып, ол бисти бу кинчектеҥ ле ӧлӱмнеҥ аргадаар аргазы бар?

33 Јакшы улусты аргадап аларга, ол Кудайга тайылга экелер учурлу болгон. Озодо Кудай улусты, бойлорыныҥ јастыралары, кинчеги учун, тындулардаҥ тайылга экелзин, деп јакыган (Евреям 7:25, 27).

34 Иисус тындулардаҥ тайылга экелбеген. Ол тайылгага бис учун бойын берген (Матфея 20:28; Евреям 10:12).

Билериҥ бе, сен нениҥ учун?