11-чи урок

Кудайга јарабас бӱдӱмјилер ле чӱм-јаҥдар

Кандый бӱдӱмјилер ле чӱм-јаҥдар јарабас? (1) Кудай — ол Ӱчбирлик дегенине христиандарга бӱдерге јараар ба? (2)

Нениҥ учун чындык христиандар Рождествоны, Пасханы ла чыккан кӱндерди байрамдагылабай јат? (3, 4)

Ӧлгӧндӧр тирӱ улуска каршузын јетирер аргалу ба? (5)

Иисус крестте ӧлгӧн бӧ? (6)

Кудайга јараары канча кире јаан учурлу? (7)

1. Бастыра бӱдӱмјилер ле чӱм-јаҥдар јаман эмес. Је Кудай тӧгӱн кудайлык јаҥдардаҥ ӧзӱп, библиялык ӱредӱлерге удурлашкандарды јаратпайт (Матфейдеҥ 15:6).

2. Ӱчбирлик. Иегова Ӱчбирлик пе, ол эмезе ӱч јӱстӱ бир Кудай ба? Јок! Иегова — Адазы — «сок јаҥыс чындык Кудай» болот (Иоаннаҥ 17:3; Марктаҥ 12:29). Иисус — Оныҥ јаҥын бӱдӱретен баштапкы јайаган Уулы (1 Коринфяндарга 11:3). Адазы Уулынаҥ јаан (Иоаннаҥ 14:28). Агару тын — ол Кудай эмес, ол Кудайдыҥ иштеп турар ийде кӱчи (Бытие 1:2; Деяниелер 2:18).

3. Рождество ло Пасха. Иисус јаҥар айдыҥ 25-чи кӱнинде чыкпаган. Ол ӱлӱрген айдыҥ баштапкы кӱндеринде чыккан — ол ӧйдӧ койчылар койлорын јалаҥда кондырып турган ӧй болгон (Луканаҥ 2:8—12). Иисус качан да оныҥ чыккан кӱнин байрамдазын деп айтпаган. Оныҥ ордына, ол бойыныҥ ӧлӱмин ӱргӱлјиге эске артыргызып салзын деп ӱренчиктерине јакыган (Луканаҥ 22:19, 20). Рождество ло оныҥ чӱм-јаҥдары озогы тӧгӱн кудайлык јаҥдардаҥ алынган. Пасханыҥ јаҥдары ла ого тудунар кабынар не-немелери, јымырткалар ла койондор база оноҥ башталган. Озогы христиандар Рождество ло Пасханы байрамдагылабаган, анайда ок эмдиги де чындык христиандар анайып этпейдилер.

4. Чыккан кӱндер. Библияда эки ле катап чыккан кӱн керегинде бичилет, је ол байрамдаган улус Иеговага бажыргылабаган болгон (Бытие 40:20—22; Марктаҥ 6:21, 22, 24—27). Озогы христиандар чыккан кӱндерди байрамдабагандар. Бу јаҥ азыйгы јастыра кудайлык јаҥдардаҥ келген. Чындык христиандар бӱдӱн јыл туркунына бой-болорыла куучындажып, сыйлар эткилеп сӱӱнгилейт.

5. Ӧлгӧн улустаҥ коркыыры. Ӧлгӧн улус нени де эдер ле сезер аргазы јок. Бистер олорго болуш јетирер аргабыс база јок, анайдарда олор бистерге каршуузын јетирбейт (Псалом 145:4; Екклесиаст 9:5, 10). Кижи ӧлӱп калза, ӧлгӧн кийнинде кандый да сӱнези јӱрӱм јӱрбей јат (Иезекииль 18:4). Байа кӧрмӧстӧр деп адаткан калју ангелдер, бойлорын ӧлгӧндӧрдиҥ ордына олордыҥ сӱнези болуп турган учуралдар база болот. Ӧлгӧндӧрдӧҥ коркып, олорго бажырарына јӧмӧжип турган јаҥдар — јаман (Исаия 8:19).

6. Крест. Иисус крестте ӧлбӧгӧн. Ол агашка эмезе тӧҥӧшкӧ ӧлгӧн. Грек сӧс, кӧп библиялык кӧчӱриштерде «крест» деп кӧчӱрилет, оныҥ учуры тегин ле тӧҥӧш. «Крест» деген сӱр-темдек азыйгы тӧгӱн кудайлык јаҥдардаҥ бӱткен. Алдындагы христиандардыҥ бажырыжында крест болбогон, олор ого бажырбаган. Оныҥ учун сананыгар: бажырарына крестти тузаланарга чын болор бо? (Второзаконие 7:26; 1 Коринфяндарга 10:14).

7. Бу тоолоп салган бӱдӱмјилердеҥ ле чӱм-јаҥдардаҥ айрыларга кӱч келижердеҥ айабас. Јуук тӧрӧӧндӧриҥ, эмезе нӧкӧрлӧриҥ сени алдында јаҥдаган јаҥдарыҥды солыбазын деп токтодордоҥ маат јок. Је мында улуска јараары эмес, а Кудайга јараары јаан учурлу (Притчалар 29:25; Матфейдеҥ 10:36, 37).

[22 бӱк, јурук]

Кудай Ӱчбирлик эмес.

[23 бӱк, јурук]

Рождество ло Пасха озогы тӧгӱн кудайлык јаҥдардаҥ башталган.

[23 бӱк, јурук]

Ӧлгӧндӧргӧ бажырарга ла олордоҥ коркыырга бир де тӧзӧлгӧ јок.