Чындык Кудайлык јаҥды канай табар

Сен Кудайдыҥ најызы болор кӱӱндӱ болзоҥ, сеге Кудай јарадып турган кудайлык јаҥга бӱдер керек. «Чыныла бажырып јӱрген улус» Кудайга «чынла» јӧпсинип бажырар деп, Иисус айткан (Иоанн 4:23, 24). Кудайга бажыратан јӱк ле јаҥыс чын эп-сӱме бар (Ефестегилерге 4:4—6). Чындык кудайлык јаҥ ӱргӱлјик јӱрӱмге экелет, је тӧгӱн кудайлык јаҥ ӧлӱмге апарып јат (Матфей 7:13, 14).

Сен, качан ого бӱдӱп турган улусты шиҥдеп кӧрзӧҥ, чындык кудайлык јаҥды танып ийериҥ. Иегова — јалакай Кудай болордо, оныҥ чындык бӱдеечилери база јалакай болор учурлу. Канай јакшы апельсиндер јакшы агаштыҥ јиилеги болот, анайдала ок јакшы улустар — ол чындык кудайлык јаҥныҥ једими (Матфей 7:15—20).

Иегованыҥ најылары Агару Бичикти тереҥжиде тоогылайт. Олор Агару Бичик Кудайдаҥ деп билер. Олор ондо не керегинде айдылганы ла олордыҥ јӱрӱмиле башкарарын, олордыҥ кӱч керектериниҥ аайы-бажына чыгарын ла Кудай керегинде билерине болужарына јӧпсингилеп, ого јай бергилейт (2 Тимофейге 3:16). Олор бойлорыныҥ куучындаганы ла јӧп болорго, эткен керектери айткан сӧстӧриндий болзын деп кичеенедилер.

Иегованыҥ најылары бой-бойлорына сӱӱш јетиргилейт. Иисус улуска сӱӱш јетирип, олорды јазып ла Кудай керегинде ӱреткен. Чындык кудайлык јаҥды сӱӱгендер, бой-бойлорына база сӱӱш јетиргилейт. Олор Иисус ла чылап, ӧскӧ укту албатыны ла јокту-јойу улусты јабыс кӧрбӧйдилер. Улустар оныҥ ӱренчиктерин, олордыҥ бой-бойлорына сӱӱштерин јетирип тургандарын кӧрӱп, танып ийер деп Иисус айткан (Иоанн 13:35).

Кудайдыҥ најылары Иегова деген Кудайдыҥ адын тоогылайт. Кем-кем сени адыҥла адаарын мойножып турза, ол сениҥ јуук најыҥ болор бо? Јок! Бисте најыс бар болзо, бис оны оныҥ адыла адап, ол керегинде улуска јакшыны айдарыс. Анайдала ок, кем Кудайга најы болорго кӱӱнзеген, оны адыла адап, ол керегинде ӧскӧлӧрине куучындаар керек. Иегова бистерди мынайып ла этсин деп кӱӱнзеп јат (Матфей 6:9; Римдегилерге 10:13, 14).

Кудайдыҥ најылары Иисус ла чылап, улусты Кудайдыҥ Каандыгы керегинде ӱреткилейт. Кудайдыҥ Каандыгы — ол јерди Райга кубултатан теҥеридеги башкару. Кудайдыҥ најылары бу Кудайдыҥ Каандыгы керегинде сӱӱнчилӱ јетирӱле ӧскӧ дӧ улусла ӱлежет (Матфей 24:14).

Иегованыҥ Керечилери — Кудайдыҥ најылары болорго кичеенгилейт. Агару Бичикти олор тоогылап, бой-бойлорыныҥ ортозында сӱӱштӱ болгылайт. Анайда ок олор Кудайдыҥ адын тооп, оныла тузаланып, ӧскӧ улусты Кудайдыҥ Каандыгы керегинде ӱреткилейт. Иегованыҥ Керечилери — бӱгӱн јердеги чындык кудайлык јаҥды ӱренип турган улустар.