«Кудай — ол сӱӱш»

1. Кудай јолдорын сӱӱзин деп,

Бистерди Ол кычырат.

Сӧзин угуп јӱрерине

Јаантайын ла таскадат.

Кудайды ла јуугыҥды тыҥ

Сӱӱринеҥ сӱӱш јок база.

Качан да бу чалдыкпас сӱӱш

Кӧрӱнзин бис ажыра.

2. Кудай табын бӱдӱрерге,

Бистерди сӱӱш кӱӱнзедет.

Тайкылганды кӧдӱрерге,

Кудайыс болуш берет.

Сӱӱш узак чыдажып јӱрет,

Јалакай, бийиркенбес,

Мактанбас, кӱнӱркебес ол,

Јакшылыгы тӱгенбес.

3. Кара санаа кичеебезеҥ,

Јаманды сен таштаарыҥ.

Иеговага иженип

Јӱрзеҥ, берер алкыжын.

Кудайыс эҥ јараш јолды —

Сӱӱштиҥ јолын кӧргӱсти.

Бой-бойысты акту кӱӱннеҥ

Токтобозынаҥ сӱӱйли.