Бой-бойыгарды акту јӱректеҥ сӱӱгер

1. Јӱректеристе сӱӱш болзын,

Чечектеп, јаранып ӧссин.

Јууктарыбыстыҥ ончозын

Сӱӱжибис јылытсын.

Сӱӱжибисти јажырбазыс,

Кӱнӱҥ сайын јетирерис.

Јылу сезимдерис бистиҥ

Јууныбыс тыҥытсын.

Кем болуш бедиреген,

Кемзинбей келзин ол бистерге.

Бистер сӱӱжис јетирбей

Бир де кӱн ӧткӱрбезис.

Ончо карындаштарысты

Бийик баалап јӱрерис бис,

Сезимдерин кичеерибис,

Јалчыланып иштеерис,

Бирлигисти баалаарыс.

2. Сӱӱжибисти тыҥытсабыс:

Јаманды белен таштаарыс,

Јаантайын ару санаабыс,

Бек бӱдӱп јӱрерис.

Карындаштык колбуларыс

Јана баспай тыҥыдарыс.

Јуундарда оморкодуны,

Сӱӱнчини аларыс.

Сӧсти сананбай айдып,

Кийнинде ачурканадыбыс.

Кудай сӱӱген улусты

Јылытсын јалакайыс.

Најылык колбуларыбыс

Јаантайын јонго кӧрӱнзин.

Бисти сӱӱжистеҥ танызын!

Кудайыска иштеерис,

Сӱӱште тӱҥейлежерис.